關於淘寶買零食

Jim88y

近排同朋友傾計先知淘寶唔可以買零食過關到香港 ,但係我之前淘過好多次零食運落嚟香港都冇事, 咁我想請教咁多位係咪淘寶唔可以買零食過關到香港㗎？

阿定

可唔可以買零食，應該同運輸公司及賣家有關，同淘寶個平台無關。

1. 賣家見到你香港地址(或集運地址)怕麻煩，無信心做你生意，所以決定唔賣比你，呢類情況經常出現。
2. 非深圳出發的物流，因為有可能太長途，需時較耐，同可能要經內陸機送貨，所以個別產品寄唔到去香港。
3. 運輸公司或集運公司怕食品安全問題，直接唔做呢類生意，所以變成禁運名單。

所以你只要成功找到個賣家肯賣，運輸公司或集運肯做，基本上都唔難買到，前者你用唔出名的集運公司佢根本唔知你賣去香港，後者你揀間咩都肯接的集運，唔好話零食，寄香煙都有人做緊。

Jim88y

阿定 發表於 2021-3-5 08:29
可唔可以買零食，應該同運輸公司及賣家有關，同淘寶個平台無關。

1. 賣家見到你香港地址(或集運地址)怕麻 ...

喺淘寶買到㗎, 我只係怕過關時唔畀過, 係咪會充公嘅呢？ 我之前寫個名稱都係零食但係有好多次都過到關 而家知道咗唔得就好似好驚, 唔寫零食係咪會好啲呢？
我上網睇過話啲人寫係家品就冇事啦, 唔知係咪呢？

245141525

可以試下用4PX集運。
佢有條叫敏感專線，我寄電池、液體都照落到嚟。
都只係$14首重。

SonSon

貨物過唔過到關先要睇賣家決定，如果賣家都受理，過關大多數都冇問題，因為你用香港地址已知有冇風險。試過幾次買D香港有行貨既充電產品，天貓D賣家通常都唔寄，但D細舖就冇問題。未試過話貨物到海關先打回頭。

小瑟

我真係唔敢係taobao買野食呢。