個forum FB 化得幾厲害

kl122002

不知是不是我年紀真的大左, 覺得近一兩年內個forum topics 有少少不太對路.
近年是多左由FB 加入的member. 這個我接受, 只是有些FB 來的member 的對答方式真係將呢度當左FB 甘用.  

打口語我都睇得明的, 但有部份人不諳標點符號運用 ,  成堆字,   
好多次我真係重頭讀左4-5次先讀得明停頓和分句的位置去掌握分句和意思.     

有D 只係開一個topic , 留圖, 留少量文字,   佢想問乜真係有時我都唔明白
無啦啦有人留個emoji , 我就收到一個forum 的通知就係去睇你個emoji, 即, 一個emoji 是想點樣?

更多的係有時候只開topic , 人家答了但樓主不覆. 這種事以前都有, 但的確唔多.
比如以前問完買乜喇叭之後, 人地回左甘多個post , 樓主都會覆返人自己的意向和取態fine tune個result ,
但現在多左一D只問不回的 post, 情況就好似在FB group 中發public post 甘樣等睇人地reply 的一樣 .


係唔係後生D的一代的都係甘的?

小瑟

呢D情況其實我都自己試過, 因為有時係街, 只可以用講來打字, 咁就可能會有呢個原因呢~

deblui

可能想收集大家有咩意見,但又唔想討論掛

issachar

好難講係唔係後生問題... 但係我發現而家普遍既人溝通都有問題... 講野無內容唔到題廢話一籮籮...

個人感覺媒體影響係極之大... 現今既速食文化, 資訊最緊要快... 冇人會同你咬文嚼字...
D 人個腦冇墨水既... 因為已經冇人會睇書... 講句野總要加 D 潮語... 因為個腦根本冇其他詞彙...

有時人地發表完意見, D 人就得一句 "OK 啦" "講呢 D" "唔L係卦"...
當連媒體都用埋潮語黎起題... 我地吸收到既就係得返呢 D 垃圾...

都仲未講匪語入侵同低劣文化 (例如抖音) 對呢個世界既毒害... 要講落去係絕對可以寫一篇論文...

小瑟

冇計架....依家D野快到呢.......一個星期同另一個星期都可以係二個世界, 其實有邊個唔想慢慢來, 做好D野先出街丫. 不過手機既出現, 世界既轉變, 都另大家資訊爆炸性地接收.....你唔快就比其他人快手搶左你食開碗飯. 而大家又接受左呢個免費文化, 大公司可以有更多資源做得更快, 咁就搶左個市場......好多野都係惡性遁環!!!!!

以前我係FORUM問野都會THX大家...依家我都有時覆左就算了~

不過我都好希望76呢度會KEEP返尊重同禮貌討論, 最多咪小D人囉, 但起碼大家都可以係真心朋友互相幫助呢~