疫情期間政府復工後嘅金鐘運輸處續牌服務情況 ...

wil-wil

一路以為今年因疫情政府部門停擺，可能續唔切車牌!! 個時二月中後期網上排期已到三月底，見上星期話運輸處 2/3 開始復工，即刻網上試試撞下彩，睇下可否改到期趕及續期，結果改到 3/3 之餘，仲有 9:45 個期，即刻確認!!

今日 9:15 左右去到金鐘運輸處，即復工後第二個工作天早上，安牌算幾好又順利。原本兩個金鐘運輸處入口改為單一入口，扶手電梯旁個邊! 所有已上網預約嘅門口右邊排一條隊；未到期就要求你地玩網上預約或郵寄續牌；如有問題或話自己快到期/已過期嘅，就排另一條隊等入去詢問處查詢。


就當時所見門口都排左 30 人左右 (呢個位置較迫已空氣不太流通，人群聚集其實有感染嘅風險)，兩邊排兩條隊，每次放行約 2-4 人入內。我預約左當時排第六個，等左陣就入得!! 每人都必需量體溫，及再要求用 Walch 酒精搓手液洗手，跟住職員會按你情況指示你去邊個 couter!! 當時見到牌照處內非常少人，而且空間相對較大，估算都有 60-80 人分散於各位置排隊，感覺可接受；我有預約行過去 21 號窗排左 10 分鐘到，之後搞完後等叫埋錢，整個續牌至走得約 30 分鐘到。

總結: 金鐘運輸處 3/3 早上的安排算合識，且運作暢順!! 今次經驗亦較以往同一位置辦續牌舒服而有效率好多 ... 當然，晏啲會否較多人就唔清楚!! 建議大家有足夠時間續車的話，都係玩郵寄穩妥安全好多，始終怕有隱性病人防不聲防!!

alleelarry

昨天路經馬會都係人頭湧湧

小瑟

續牌依家真係要預早攪，好怕人多呢。

wil-wil

alleelarry 發表於 2020-3-3 13:32
昨天路經馬會都係人頭湧湧

昨天見到真係嚇親，我都係怕死，怕贏到錢都無命享 ...

wil-wil

小瑟 發表於 2020-3-3 13:34
續牌依家真係要預早攪，好怕人多呢。

我成日都係 last-minute person 個啲人，今年二月中醒覺都早好多

alleelarry

其實銀行都好鬼多人，昨天開始要探熱先入得

rickygsm123

等咗好耐我都要換人牌