經典CULT片《油鬼子》+《猩猩王》入手分享+短評

Hugo Fok · 發表於 2019-11-17 16:45

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 Hugo Fok 於 2019-11-17 20:27 編輯

襯住周末終於有時間開返《猩猩王》、《油鬼子》兩隻 10 月中買落既邵氏 CULT 經典開下眼界。整體畫質都修復得唔錯，聲軌保留了國語 LPCM 2.0...比較可惜係花絮慣性只有預告片...

《猩猩王》好多年前其實已係電視睇，比較之先知電視版原來刪剪左好多成人元素... 而家睇返完整版先知道套片原來可以 Cult 到咁，真係好佩服當年本地電影個 Topic 可以咁多變化，而且特效都可同荷里活 1976 版 Jeff Bridges 套《金剛》有得 Kick 下。至於全片最 Cult 我覺得反而係由伊芙蓮嘉飾演個位女泰山，呢個設定真係將泰山 Crossover 金剛，個種美女與野獸既組合真係無得輸... 加上比較好搞笑係《油鬼子》同《猩猩王》入面既所謂既反派都係色魔上身... 而家睇返呢堆反派設定都真係 R 曬頭... 可能當時觀衆都深信“萬惡淫爲首”啦...

另一套同樣由何夢華執導 x 李修賢主演既《油鬼子》我覺得似 DC 套《沼澤異形》(Swamp Thing) 多過似《驅魔人》... 始終油鬼個造型真係似沼澤異形 x 毒魔，但就比後者更早成爲真人化電影。講真我覺得《油鬼子》最 Cult 係可以變為一灘液體去突襲，但撤退就仲要用腳行，真係講唔通...不過用 Cult 片角度出發又一定有另一番解讀，未見見識過 70-80 本土 Cult 作既朋友其實都值得花時間去認識下既...

《油鬼子》（1976）故事簡介

《油鬼子》是由何夢華執導，李修賢主演恐怖片。影片講述主角沈元（李修賢）得了一幅有特殊功能神秘圖案；按圖文指示變成威力無窮油鬼子；沈元變作油鬼子後，救了心儀女子亦殺了不少壞人，但最後卻陷入瘋狂狀態……

《猩猩王》（1977）故事簡介

《猩猩王》由何夢華執導，李修賢、伊芙蓮嘉主演科幻片，影片講述探險家陳正風（李修賢飾）受聘赴印度森林搜捕猩猩王，結果誤墮娛樂公司老闆魯天（谷峰飾）的圈套，將猩猩王帶往香港表演。同行的「女泰山」阿維（伊芙蓮嘉飾）見猩猩王慘遭捉弄擺佈，更被反派強姦。猩猩王見狀狂性大發，市民一片慌亂，軍警如臨大敵。全片的特技道具，一絲不苟，猩猩王爬上香港當時最高建築物康樂大廈鏡頭驚險刺激。當年邵氏投資最大特技片，特別邀請了日本一流電影特效技師作指導，力求最佳效果。