Teac AP 505 入手

vm8833

話說早排有啲痕癢，不如去行吓Hi-Fi舖。之後又上下網，睇到Teac有新後級出。部機foot print唔大，啱晒我屋企放係房用, 8 ohm 70w夠曬用，同NT 505一套西裝真係好夾。Damp factor 大於370，估計低音聽起黎會舒服啲。係九龍灣大昌聽咗幾首歌，就走去訂左一部。AP-505推Dali Zensor 3絕對係有板有眼，一啲都唔失禮！音色真係好中庸，播DSD人聲好舒服。空間感都有唔錯表現。聲音開到6，7成依然可以接受。同以前擴音機比，AP 505聲音線條係厚咗，去到一個適當嘅水平。以前擴音機我嫌佢太清秀，damping factor大，低音太實兼聲尾一下收晒。聽咗個幾月對Zensor 3開始有啲不滿，好啦又去行吓Hi-Fi舖。聽左一輪又出事換埋對喇叭，咁新喇叭係比Zensor有所提升。結果係正面嘅，但係一開頭大聲就亂。

咁都係有得佢聽住先啦，有人又上到網見到人用AP 505行 bi amp。其實上次已經聽過AP 505行bridge mode 雙 amp，bridge mode 係250w每邊。夠力得黎都幾好聲，聽一晚都唔厭！咁又開始頭痕，開始做準備。準備係係換咗條XLR cable(舊個對XLR線身太硬)，買對bi wire喇叭線。再買條新電線俾電處，咁樣有二條同一規格電線。當電線，喇叭線同一規格，XLR線亦作小提升，咁又自然去帶埋另外一隻AP 505返歸。由於我條喇叭線係bi wire，我冇行bridge mode，用咗bi amp方法接駁。一開聲我一下，我嘅感覺係好陌生。



AP 505開機大約半個鐘頭後先進入狀態，同埋一邊新一邊舊。聲音你係有些少唔自然，但係個夜深人靜電靚時候已經聽到好舒服。頭幾日好忙，冇咩時間聽。到咗星期六再試吓，已經有好大進步。鬼太鼓，第一鼓嘅低音一陣陣，井然有序，係60w左右都係可以控制到喇叭。我冇挑戰極限，但係對於喜歡有時小爆一下嘅人可以話唔錯。試人聲用dsd file播，包括娛樂60周年秋官流氓皇帝，Danny 今宵多珍重，鄧麗君忘記他，鮑翠薇我只有期待試，我只可講人聲係幾真好自然, 完全達到我呢幾年想要嘅聲音。就算好多唔鐘意嘅CD聽番都幾Ok，或者就係以前系統唔能再生呢部份CD。中音，高音可以用合適形容，高音清脆不刺耳，中音亦體現一溫婉嘅感覺。播關正傑漁舟唱晚，絶對係香港黃金年代證明。歌聲同樂隊真係一絶，今時今日真係好難有歌手請隊band(唔係幾個人個種)唱一首歌。細節表現令人印象深刻, 例如係比較大音量交響中揾番三角鐵. 有首歌drum set搞到我都想打埋一份.

  

結論：AP 505行bi amp mode令我十分之讚嘆，我亦覺得當日冇買clock嘅決定係正確嘅！行bi amp整體有跳級感覺，無論高低音之間，每一個音都係快而準。呢部機用hyper ncore ，class d module加上Teac調聲而成。呢間荷蘭廠class d擴大亦有好多知名牌子使用，呢排成日聽人讚係音響展一部細機推座地喇叭嘅牌子都用同廠產品。同一隻amp相比，bi amp模式係加強咗控制力，速度，音色，立體感, 音色定位更有自信。單機俾到你一種四平八穩音色，速度都可以。Bi amp係走入另一境界，一定嘅音量就可以填滿我間房。播Phil Collins Serious Hit...live！In Berlin，One more night呢首歌個種露天場地擴散開去感覺, 真係好似係現場。其他好多CD都係有種現場感，好多晚係聽到忘記入睡！總括而言我覺得值回票價，真係有升級感覺。

Serious Hits...Live! IN BERLIN現場片段


後話：
其實今次都係出事，因為將來升級唔會以功率為首要。而係想體現更強大bi amp，再睇返大少少瓦數有bi amp嘅牌子。條數真係結過芝麻糊，都係上小啲綱算。

lcw1010

請問咩水位入手呀？

sunnyslhf

睇完搞到我都想行bi-amp haha

vm8833

lcw1010 發表於 2019-10-11 08:48
請問咩水位入手呀？

師兄出旺角問下就知...

vm8833

sunnyslhf 發表於 2019-10-12 01:12
睇完搞到我都想行bi-amp haha

如果你滿意現在擴音機而該機又可以支持bi-amp的話, 我覺得係一個好選擇. 請緊記bi-amp最好效果係兩部機相同型號.

mcball

「就算好多唔鐘意嘅CD聽番都幾Ok，或者就係以前系統唔能再生呢部份CD」依句真！好多時upgrade方向對的話就係咁，但咁先大檸「樂」！

sunnyslhf

vm8833 發表於 2019-10-12 17:31
如果你滿意現在擴音機而該機又可以支持bi-amp的話, 我覺得係一個好選擇. 請緊記bi-amp最好效果係兩部機相 ...

同意呀

之前 PM8005 + Cambrdige 851W 行bi-amp 明顯低頻正好多。但最近放左部 PM8005. 依家 851N+851W 玩住先，一路搵緊多一部 851W 再 換喇叭線..




如果再換成套前後級就成本高好多了。

vm8833

mcball 發表於 2019-10-13 10:08
「就算好多唔鐘意嘅CD聽番都幾Ok，或者就係以前系統唔能再生呢部份CD」依句真！好多時upgrade方向對的話就 ...

小弟主要用入門器材, 手上有好多CD係類似LKS 004(曾經入手)表現係音色甜美清秀, 但係之前另外一個牌子入門後級亦係走斯文向. 結果係欠決動感(之前Zensor 3 bass表現唔錯對得住個價, 但係唔能夠要求太多), 聲音係比較平面. 新amp嘅立體感, 空間重現及能量感係變得幾好. 可以重現出唔錯聲音現場感, 對我已經滿足. 相信玩開hi end師兄嘅系統應該可以輕而易舉達到呢種效果, 初哥的我已經係好開心.

vm8833

sunnyslhf 發表於 2019-10-13 13:56
同意呀

之前 PM8005 + Cambrdige 851W 行bi-amp 明顯低頻正好多。但最近放左部 PM8005. 依家 851N+851W  ...

851W規格上睇851W力水幾好, 估計行bi amp會將喇叭潛力更加發掘. 希望到時師只再報告.