點解國聲被禁咗嘅？

kelvinsin

啱啱正睇到，八卦下，發生麼事？

kelvinsin

點解？.....

wil-wil

kelvinsin 師兄，首先多謝你查詢! 亦唔好意思，早前向電腦部支援查詢需時，之後太忙和又忘了回覆!!

有關查詢國聲被禁的帖一事，首先國聲也是 Post76 的廣告商戶及合作伙伴。而所有廣告商戶及合作伙伴的服務可能包括: 1. 廣告 banner 展示、2. 圖文片產品評測、3. 試玩體驗會籌辦、4. 會員試玩等等 (這不代表全屬與國聲合作的部份或全部項目)。但無論任何形式的商戶合作 或 非商戶 與 版友們的發帖都不可直接於討論區發佈有廣告成份的內容、或有打手感覺的分享討論、或私下 PM 會員推廣與買賣、或私下 PM 邀請會員出席活動，這可能會被誤認我們是一個打手網站!! Post76 的宗旨是一個影音玩家共同建構嘅平台，我地好歡迎所有真用家一些開心而真正的體驗後分享或互相提問與解答，真正體驗玩影音的樂趣。因此，如會員舉報或經自動電腦分析確認有問題的發帖與帳號將可能被禁言、封鎖或刪除!

而所指國聲被禁止發言的問題，原來電腦系統已多次發現多個不同名稱的 log-in 都可能與國聲有直接或間接關系，可能被電腦不止一次或非短時間內發現問題，因而自動定義為分身帳戶，加上當中多個帳戶發佈內容的關建字源亦多次出現，且都是分享其產品或直接的銷售資訊，故自動被封鎖。

其實我們亦參考過外國討論區案例，希望從商戶與用家中間取得平衡點，記可有系統地協助商戶自行發佈資訊，而不被當作打手或誤當網站亦同意打手的行為，同時亦有助會員玩家分辨資訊的內容狀況而作出溜灠該訊息如否，所以就推出了 Post76 商業會員 - 正名計劃 (MOT Member of the Trade Program) --> https://post76.hk/thread-258857-1-1.html 希望他們如欲繼續自行發帖推廣的話，可參考這個建議!!

再次多謝你的查詢!! 我們亦已安排同事與國聲聯絡，希望盡一齊方法協助他們，記可提供資訊給所需用家，亦確保 Post76 以盡少商業味的宗旨下平衡各方需求。如有任何建議，歡迎繼續指教，我們定當努力改善不足，共建一個最多好玩、最地道的香港影音玩樂平台!!

kelvinsin

wil-wil 發表於 2019-8-26 11:08
kelvinsin 師兄，首先多謝你查詢! 亦唔好意思，早前向電腦部支援查詢需時，之後太忙和又忘了回覆!! {:6_162 ...

多謝網管咁詳細同透明化嘅回覆，唔似某些人只會當網友嘅問題透明同移版而無作任何交代。
其實我同國聲完全無任何商業上嘅交易，只不過咁大嘅影音公司被禁言係幾特別嘅事件，你話我八卦或好奇都好，我只不過想知道。
您係此帖與先鋒被禁羅生門嘅處理同反應令我信服，希望其他管理員可以提升佢地與網友嘅互動關係，畢竟網站係以流量為主，失去網友嘅支持都唔會壯大到去邊。

wil-wil

kelvinsin 發表於 2019-8-27 06:45
多謝網管咁詳細同透明化嘅回覆，唔似某些人只會當網友嘅問題透明同移版而無作任何交代。
其實我同國聲完 ...

kelvinsin 兄，再次多謝你回應，亦唔怕我長氣!! 而你感覺唔清晰，企出來問過明白亦無不妥；透明度高啲，亦都係我地想做到嘅一點!! 始終討論區是用文字交往，少了一份語調感受，有時可能只係用詞不當或少了些標點，感受就可以完全兩極!! 所以大家最緊要尊重地溝通，不要像部份帖嘅狀況，未審先判或有錯不認，雖然玩影音感覺可以好主觀，但人與人之間就係要聆聽!! 另外，就有關版主的管理問題，如果你隨意睇 post 時望到，或親身遇到咁不幸嘅事情，都可以係呢到提問或 pm 我，解決得到嘅定必處理!!

不過我亦講多少少版主嘅由來。始終 Post76 源自於一班業餘時間對影音有興趣的朋友，他們玩開時就分享一下自己感受，分享到有一定感情後就再被邀請服務埋大家。而大王就更透徹地，最終認為可以小小規模形式，全職服務大家，將興趣變成職業，將職業回遣比一班影音迷，一小步一小步行到今天成為興趣討論群組 + 媒體!! 所以本錢是很小的情況下，一切資源集中於 IT 上建構與改善，令溜灠時可以有易睇及暢快嘅感受、加強影音興趣玩物報告分享內容與搞搞多啲試玩比大家，好讓大家搵到真正自己岩玩嘅野，唔好買錯!! 但要管理連 facebook 約廿萬名嘅會員，就只好靠義務版主!! 而他們開初亦一如一般玩家只屬影音愛好者，非常熱盛地分享，再被邀請為義務協助管理。雖然我地會有啲指引希望佢地都跟隨，但始終是義務性質，而佢地又大多數於其日常工作時屬管理層，有自己的看法與管理標準，所以出來感覺亦有不同，但佢地全部都一如 kelvinsin 兄對 76 的心是非常支持，都是想 76 做得更好!! 不過就可能有啲處事較硬淨啲，有啲可能易話維啲，咁會員亦會有接受不接受、有明是理或刁難嘅、有啲黎堅搞事，或有啲遇到問題便認定 Post76 一定是問題根源，一定會因利益而放棄會員嘅呢類想法!! 正因為咁，不同情況下不同處理手法自然有不同效果，所以我地都希望大家堅記住互相尊重及體恤為原則，黎 Post76 講影音、學影音都係想減壓開心，唔好將日常班緊嘅心態帶埋黎玩，開心啲、睇開啲，好好亨受!!

其實，現在很難得仍有會員肯打開心屝，有問題就直言直問，呢刻就算係我地搞比大家玩，試完好壞感覺都只會 WhatsApp group 內講就算，同我加入 76 時完全唔同!! 所以我好珍惜 kelvinsin 兄嘅提問或意見，當然你試玩過乜或黎完 76 活動都記住多分享下 :P。都係?句，有任何狀況或版主管理意見的話，隨時找我!! 有問題定必盡力改善，亦還望你亦體諒，我地用緊極少資源做最多嘅野比大家去玩或感受影音嘅樂趣!!

kelvinsin

再次多謝wilwil版主咁用心嘅回覆。其實我係新加坡嘅玩家，一直好羨慕香港玩家可以有咁多選擇與相對廉宜嘅價錢玩到想要嘅系統。只不過有時睇到某些網友地域性嘅針對其實幾令人心寒。不過我有信心有關管理員會作出公平公正嘅做法以改正有關歪風。互勉。

wil-wil

kelvinsin 發表於 2019-8-27 14:13
再次多謝wilwil版主咁用心嘅回覆。其實我係新加坡嘅玩家，一直好羨慕香港玩家可以有咁多選擇與相對廉宜嘅價 ...

其實網上世界啲人有時發聲比現實更大膽無分吋，呢個情況我見美加都一樣。點都好多謝支持 Post76!! 過開黎香港或我地到新加坡都要交流下!! 11 月尾 Post76 會自己搞展覽，已經第二年，有機會到訪開就留意下!!

小瑟

kelvinsin 發表於 2019-8-27 14:13
再次多謝wilwil版主咁用心嘅回覆。其實我係新加坡嘅玩家，一直好羨慕香港玩家可以有咁多選擇與相對廉宜嘅價 ...

原來KELVIN兄係新加坡會員, 我自己都好鐘意新加坡架....都好想再去下, 不過果邊的消息都真係幾高.....

講返FORUM的管理先, 其實我地有時攪活動同做REVIEW都幾難分身去睇版, 依家再搵版主幫手睇大家都驚做版主, 因為好驚會得罪人麻......但早排我地已經知道那些版友係有心人, 希望慢慢可以將版內的風氣做返好呢!!!

謝謝你的支持!!!