晏晝瞓覺.......居然夢見一個長輩以前既說話

Raphael · 發表於 2010-1-22 16:55

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

1) 要出人頭地, 唔一定要係天才, 亦唔一定要有學識, 但一定要洞察形勢, 同埋肯 "行多一步"
2) 唔好對人唔住! 但一定要預咗人地會對你唔住! 當人地對你唔住, 你應該覺得高興; 因為証明對方及不上你
3) 你可以唔讀書, 但唔可以無畢業証書; 必要時, 買一份! 無錢買? 唯有死死地氣讀書囉.....
4) 未發達前, 我地會為錢而犧牲親情, 友情, 甚至愛情; 發達後就會發現, 你會寧願花所有錢, 換回愛情, 親情, 友情....
5) 你要知道, 老婆只有一個 (甚至無), 但原因唔係因為你專一...... 而係因為, 要搵一個真正愛你既人已經好難; 更何況要多於一個?
6) 越高傲既人, 其實越自卑; 所以如果你想俾全世界知道, 你無料到........ 最好既方法就係扮高傲
7) 有機會做領袖的話, 唔好鬧你既追隨者; 因為領袖有責任令追隨者做好....... 你鬧佢地, 即係佢地做得唔好, 亦即你自己鬧自己無盡好責任
8) 學功夫係為咗打人, 唔係強身健體! 但事前必需要肯定, 假如對方 "拖馬" (報警都算係 "拖馬" 既一種), 你要有能力將所有 "馬" 打低
9) 勝者為皇, 敗者為寇, 當中不論 "正" 或 "邪"! 不過....... 得人心者勝, 失人心者敗 ; 而有德者得人心, 無德者失人心
10) (唔記得咗..........)