Marvel Studios《復仇者聯盟4：終局之戰》13日大家估下收幾多??

小瑟

Marvel Studios《復仇者聯盟4：終局之戰》再次締造歷史, 開畫13日勁收1億7890萬, 越133萬觀眾入場, 榮登香港史上票房No. 1,

Marvel Studios 《復仇者聯盟4：終局之戰》上畫13日(截至5月6日)，已經橫掃香港票房 $178,932,041 (資料由香港影業協會及香港戲院商會屬下機構  -  香港票房有限公司提供)，勁破《阿凡達》保持10年的票房($178,248,295)紀錄，勇奪香港史上票房冠軍寶座! 有1,333,317人次入場，多謝各位粉絲支持! 《復仇者聯盟4 》向2億票房進發!

laszloabcd

講真成套戲感情戲份和搞笑，打鬥真系好少，開頭有點悶塲睇到有點晏訓，其實成套戲未上影已經吹到超好睇所以個個走去睇票房吾勁有鬼，個人覺得弟三集先系最好睇

小瑟

第三集係正，第四集係交代同煲最尾一幕呢。

alleelarry

昨天才跟朋友傾開，我地都一致地咁講，睇一次覺得無咩咁特別，但睇完之後再去睇番導演同愛好者既解說，感覺又唔同左！好難得有一套電影可以只睇一次，幾乎到今天還可以背到個劇情出黎，自己發現疑問，又可以自圓其說咁去解答！

到最後我地得出一個結論：AV4 純粹拍比 Marvel 電影 Fans，假如你唔太熱愛，又或者無睇過7-8成既 Marvel 電影的話，今套其實唔洗急住入場，無必要浪費時間同金錢！

有關美漫達人ＰＯＰＯ的一個分享，《復仇者聯盟4：終局之戰》彩蛋 & 劇情與漫畫原作對比分析！終極完整版 (按我)

gashapon

我自己都有同一班睇開漫畫的朋友傾開. 我由於無時間所以只睇一次, 佢地都多數每套marvel都會睇2次. 今集我自己其實又無"再睇多次"的感覺, 唔通睇多次tony死咩, 要知的都知道晒了. 至於不明白的地方, 討論過後其實都無咩"結論", 因好多野其實都可以自圓其說. 再睇都無太大意義. 我有個朋友第2次睇時仲有種想快d完場走人的感覺.

其實佢票房過了titanic係有少少唔開心, 可能因為細個時真係好難得才能入戲院, 睇得的電影都好難忘. (同埋點似依家幾個月後又可以煲碟). 感覺是"時代唔同"了. 不過都明白就如就算幾喜歡用菲林機, 依家大多數人都用digital camera了, "digital camera 銷量超越了傳統相機" 基本上是一定會發生的.  當年的票價同依家的票價又有好大的分別.  所以少少唔開心之餘其實又有種"都預o左"的感覺. 不過都係因為咁先知原來之前2套最賣座的都是占士金馬倫的電影.  咁紀錄被超越了, 就希望唔同的電影都會努力, 不斷互相超越啦~

小瑟

alleelarry 發表於 2019-5-8 10:13
昨天才跟朋友傾開，我地都一致地咁講，睇一次覺得無咩咁特別，但睇完之後再去睇番導演同愛好者既解說，感覺 ...

玩具人呢個網D料真係好多~~ 正!!!

alleelarry

gashapon 發表於 2019-5-8 12:18
我自己都有同一班睇開漫畫的朋友傾開. 我由於無時間所以只睇一次, 佢地都多數每套marvel都會睇2次. 今集我 ...

話時話點解唔係計人次，呢個相對客觀好多

又或者咁我地打個折比 AV4，除非佢可以多 2-3成票房，先當佢真係贏

alleelarry

小瑟 發表於 2019-5-8 12:47
玩具人呢個網D料真係好多~~ 正!!!

係，即使只有160秒既 FAR AWAY HOME 預告，睇到咁多野係入面