今時今日，F1 你會點睇！？【同場加映：F1 奇遇記】

alleelarry

今時今日已經係數據年代，睇 F1 既時候，開埋個官方 App，睇 Live 之餘，同時睇埋即時數據，其實好過癮既，邊架車先至係最快就一清二楚！

官方 app 唔比錢係可以睇到D基本數據，付費後可以睇埋每一個 Sector 快定慢，換輪胎既記錄等等，資訊多到要「撥來撥去」實在太麻煩，還好官方看似沒有登入數量限制，同一時間可以登入多個平台，包括：PC / Mac、iOS、Android，甚至 amazon fire tablet。於是乎我就用上了一部 iPad 同 一部 Android 手機，放係電視機前方，即管電視台係直播時段播放自家廣告，比賽狀況仍然跟得到！遇上了外遊日子，唔方便睇 Live，比賽概況依然無遺留！



同場加映：F1 奇遇記

F1 官方 App 年費定為 HKD208 一年，留意是由開通日期計起，並不是季度收費，確實用足一年！兩三年前 iOS 同 Andriod 收費有小小分別，兩個平台自己都有用，邊個平D就在那邊付費，但這兩年已經統一了！兩年前因為某銀行有推廣，使用信用卡於 Google Play 商店消費可享 30%折扣（但都要比接近 2%手續費），更加有抽獎，好幸運中到大抽獎，得到了HK$300現金回贈；一來一回年費都唔洗比，仲有錢落袋！

正因為咁本來係 Google Pay 既餘額留到去年才用到黎比年費，一心用完之後就 Keep 住用 iOS 比，原因係買 iTunes 經常有折扣，又怕自己大頭蝦忘記 unsubscribe，所以即日 subscribe 就即日 unsubscribe，相安無事用足大半季，直到官方推行 F1 TV Access，問題陸續出現，有登入唔到既情況，到後期就只能夠用 Android 登入，心諗佢地可能改了制度，咩平台 subscribe 就只能係咩平台用，反正用到就算了……

今年三月開季，F1 app subscription 明明寫住去到 29/4/2019 才完結，本年度第一個排位賽日，無論如何都登入唔到！一向都是重新登入後就自動 restore subscribe 狀況，咩平台都叫我「比錢」先講，激鬼死人！一怒之下發現佢有網上有 Live Chat，傾左幾個回合，佢地話只見到我係上年 unsubscribe 既資料。最後因為我能提供透過 Google 既付費 GPA 證明，官方索性退回之前既付費，重新 subscribe 大概就能開通，沒想到要等一星期既退款，一兩個鐘就退回來了，更加沒想到是「全數退回」，換了是香港的話，肯定只會「按比例退款」；為免系統再一次「誤會」，改為用 iOS 付款，如是者一天都光哂！



結論係我有兩年多唔洗比年費！

marco

嘩.好正喔好似車隊經理一樣,實時mon住所有資訊

alleelarry

marco 發表於 2019-3-20 19:35
嘩.好正喔好似車隊經理一樣,實時mon住所有資訊

以往有 Fox Sports 串流，可以可多部機睇住個「BOX」入面既情況，可惜而家改左做 Fox+，另外付費之餘又好似取消左