《水行俠》

freestylemen

簡單感想，喜歡這類英雄片的，尤其是喜歡漫威風格的，應該滿意。
之前dc套套滑鐵爐，好大原因是懶深奧，特別是唔係追開漫畫的觀眾，睇到一頭霧水，東一忽西一忽。

呢個先唔好講故事，因為太正路+老套路，但俾到觀能刺激，畫面設計美觀（如果唔太介意太卡通，不過英雄片本來就是扮鬼扮馬咁滑稽）只是佢又古代又科幻的設計唔太統一，試問現代都唔會騎馬，何況講到咁高科技？我覺得成個格局是rpg game唔知睇左既朋友覺唔覺

動作場面方面我覺得好港產片式，尤其是漫畫風雲的排雲掌「水效果」
不過要彈的是說服力，劇情又真係兒戲左d，唔多touchig，愛情和造王氣勢好無feel，好明顯導演專注喺畫面動作場面果面，雖然我覺得角色怪獸造型麻麻

整體作為娛樂片，絕對收貨

gashapon

本身我都想寫下詳細影評不過細仔出世無耐, 所以昨晚最後都無寫. 我自己本身是個漫畫fans, 未睇之前其實都擔心電影今次會唔會又唔得, 同埋怕太多CGI會好假etc. 不過睇完之後覺得真係唔差, 成個海底世界都拍得好靚. 同埋成個故事好簡單直接, 如師兄說唔會"懶深奧". 同埋aquaman其實唔算多人認識. 一講superman, batman, bruce wayne, clark kent, 就算無睇漫畫的人都知道佢地係邊個, 但講"arthur curry"大家可能完全唔知乜水(以前漫畫都有笑過佢除了同魚傾計之外就無其他能力) . 所以我覺得電影要接住Justice league, 但又講到aquaman origins其實都幾難呢.

記得trailer出了之後都聽到朋友講笑話似黑豹, 又係一個隱藏的世界+ 2兄弟爭皇位. 不過睇完我就覺得"that's it". 2套電影其實好唔同. 如果要講到aquaman 抄黑豹, 倒不如說黑豹抄獅子王好了 (至少連地點都幾乎一樣XD)

以娛樂/爆谷片來說我認為是絕對收貨了. 當然劇情上係有少少不足, 例如爭皇位打得好快. 到主角最後去拎枝叉又好似咩事都無, 講2句就搞掂. (原來隻怪獸怕悶 XD) 不過細心一想, 其實2兄弟都無需下下取人性命, 一個本身是王, 純粹想打低佢大哥等自己更被人認同, arthur就根本唔想做王, 叫做被迫去打. 反而black manta就因為arthur"害死"佢老豆而決心報仇, 所以招招都係攞人命咁. 我自己覺得有點怪的係個海洋世界本身應該是在好深的水底, 基本上人係未去到的. 但電影比我感覺係似潛一陣就到咁. (所以會令人懷疑點解咁耐仲未有人發現到)

另一個亮點係MERA. 本身唔太留意/喜歡amber heard, 但佢個角色又幾討好.  第一代海王件衫都好型, 我覺得有件cape型過無cape (Aquaman最後那個造型)