第一次買有牌子既 audio 線...

issachar

FB 見到鴨記聯X 年尾清貨, 一對 nuforce sc700b 3 米 $804 有交易 (原價 $2640)...

大佬我行過隔離搵呀叔續呎拉, 仲要買插, 又要自己開線, 想好睇 D 仲要包熱縮膠... 埋單唔平得好多喎

好多線都係米半或者兩米, 我個位係唔夠既... 呢條 3 米根本係叫我買啦買啦買啦

月中已經食緊樹皮既我都係忍唔住.... 下半個月就要樹皮再沖水喇

先睇下相...


冇錯... 得個袋.... 因為線係用黎聽, 唔係用黎睇! 緊係上左機聽住黎出 POST...

換線後能量感加大, 中頻同低頻表現豐富左, 人聲突出, BASS 更結實有力, 至於高頻改善就未太明顯, 希望條線 run in 左之後會有更多驚喜.

由平線玩起係有呢個好處, 少少升級就聽多咁多野, 呢八舊水抵比啦

不過我又諗... 到底仲要換幾多野先可以完全發揮到對 LS50 呢?

carlford

利申～Kef用家～別走冤枉路老實買條inakustik603 或以上～試完不用再換線。
再次利申～1603 使用中。

issachar

carlford 發表於 2018-12-18 00:55
利申～Kef用家～別走冤枉路老實買條inakustik603 或以上～試完不用再換線。
再次利申～1603 使用中。 ...

師兄提議留待日後參考

我呢種低燒玩家, 追求係不停換新野果種過癮, 如果下下"一步到位"會好大鑊, 因為線材器材多到數之不盡... 根本冇錢玩

issachar

補多少少玩後感

玩左成晚, 上半場主要聽歌, fine tune 過喇叭既 toe in angle, D 聲唔會兜口兜面打埋黎, 包圍感有所增加

下半場搵返 D 鴨毛戲出黎做整體調較, 音場當然係闊左, 同時因為 front speakers 低音量多左, 爆既時候感覺唔再係 sub 仔特別突出, d bass 開始有較為融為一體既感覺...

跟住我將 front height channel 調高 3db, 希望頭頂聲音更突出, 因為 front channel 能量大左, 我覺得調大 front height 應該唔會有問題, 出黎較果都 ok.

今晚就玩住咁多先...

PS: 希望師兄們明白我係同緊換線前作比較, 亦因為同時有其他調較, 所以出黎較果比較 dramatic, 而非誇大換線較果. 本人亦深信不同人有不同既聆聽口味, 我既玩法冇理論根據, 祗憑耳聽及感覺.