性價比高的國產品牌電視hisense hk55u7a

jackybee

本身用開Lg 的65吋led tv,但最近加裝了投影機睇戲，但不知是否裝了投影後，led tv小氣跟住就開吾着了,仲要剛過保3⃣️個月！?本來想買返一部65吋新電視，預算$30000，睇中lg 65c8p,Samsung 65q9f,Sony 65a8f,但身邊多位朋友勸告，我多數用投影睇戲，電視只用來睇tbb新聞財經，用咩電視機睇都分別不大！慳d錢好過啦，一言驚醒，將門檻降低至55吋，本來想買Panasonic 55fx800h貪有5年保，但在店裏看了2分鐘全黑畫面時有1個角位有光暈，漏光嚴重！心想$13000買部大牌子都係咁，五年保都假，最後去了hisense 專門店買了這部hisense hk55u7a

kayau

樓主,請問咩價位.

kingching0053

我都覺得係唔夠玩再加magic TV

小瑟

其實hisense係邊度可以睇到!??? 唔講真係唔知佢係香港有得賣呢~

jackybee

我宜家用緊magic tv9100出電視，而呢個畫面是原裝tuner.本來想買呢部嘅65吋型虢，但香港冇入，所以買55吋，深水埗高登有專門店，行貨3+2保首三年全保，尾二年保人工零件另計，當用三年壞左買新都有着數，價錢約大牌子高級型號一半，我都係第一次買大陸牌子電視，仲要拎埋部magic tv同部Xbox  one s去試4kbrulay.啲全黑畫面冇光暈，才俾錢買，而且部電視有好多畫面調教功能我吾識用，如果吾係畫面應該仲靚，現在用預設畫面

littlesweet

國產其實都好高汁, 我部樂視第一代4k, 用左好幾年, 外母屋企仲由朝開到晚, 都未壞, 顏色仲好靚好sharp
返而之前買果部韓仔機, 過兩年就即瓜..................

雖然, 我而家都仲係用另一牌子韓仔機, 但講性價比, 國內品牌低玩.
或者下次支持下本港品牌c字頭果部, 上次聽訪問佢老細, 覺得幾有heart.

jackybee

本來我都冇打算買hisense 電視，但屋企樓下間茶餐廳開了3⃣️年佢都係用hisense 每日開8、9個鐘，但睇ttb電視d畫面都冇乜走樣，所以先想起呢個牌子，而且個店長俾我拎自己d架餐試成半粒鐘，所以先博一博買了第一部大陸電視，同埋同大家分享呢個性價比高嘅品牌！

JKC710

多謝師兄推介, 岩先再上TB睇睇, 65吋都係4000人仔................

https://detail.tmall.com/item.ht ... ies=5919063:6536025

jackybee

JKC710 發表於 2018-12-9 18:07
多謝師兄推介, 岩先再上TB睇睇, 65吋都係4000人仔................

https://detail.tmall.com/item.htm?sp ...

呢部係低階型號，如果65u7a應該冇咁平