遲來的 TCL 55P6 開箱

bird · 發表於 2018-11-18 19:07

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

首先多謝TCL及Post76舉辦遊戲，小弟有幸獲獎，得到一部TCL55P6。
其實獎品早在兩個多月前已送到，但由於要籌備新居裝修，工作十分繁瑣，所以遲遲未有開箱。今日趁有啲空檔，就寫返個簡單開箱文及一個月用後感(藍色斜體字)。圖片只係用手機影，無修過圖，影得不好請見諒。

1. 眾所周知，TCL55P6的邊框只係0.48cm，超纖薄機身最薄僅0.99cm。就咁睇數字未必感受到佢有幾薄，如果話0.48cm大約等於4個一蚊銀的厚度，大家就明白見到實物時嗰種震撼。
雖然已知部機好薄, 當打開紙箱見到實物時，同來幫手setup的朋友，都不禁嘩咗一聲。

2. 打開電源，跟住指示好快就做好晒Google的設定。隨機附送兩個遙控：一個係正常遙控，細嗰個係藍芽遙控附有收音咪，我最常用就係呢個遙控，但頗食電，用咗一個月就換了一次電。
開機大約70秒左右，但如設定為快速開機(Standby mode)，開機只需5秒。
聲控辨識率頗準確，用嚟search youtube內容十分方便。如果你將系統設定為中文香港，佢會當你講廣東話，就算講英文都有機會變成中文。相反如果係設定為英文，要search中文就有啲難度。

3. 追完台之後，無論用任何一種內建畫質設定，畫面都係好平(Flat)，感覺白濛濛的，確係幾失望。
但經過一輸的調校，無論色彩、影像層次全部出返晒嚟，睇TV、BD、Netflix、Youtube，連黑位都有返晒層次，細緻分明。

4. 要經原生Google Play裝的App至有icon在Desktop出現。
如經USB或 ES file Explorer裝App，最好裝返一個Sideload Launcher，方便打開軟件，否則每次要入去設定打開，十分麻煩。

5. 內建 NETFLIX、YouTube 都可以支援4K播放。
終於可以喺電視直接睇到Netflix 4K HDR、Youtube 4K，加埋付費嘅日本直播app，之前用開嘅盒子真係可以退休了。

由於屋企器材仲未全面4K化，其他嘢要等新居入伙後慢慢添置器材再試了。
總括嚟講：幾千蚊就可以擁有一部獲Google認証嘅55寸Android TV，行貨仲有原廠六年保用，確係幾抵，但如果可以Firmware update食埋DV就真係無敵了。

再次多謝TCL送出獎品，Thank you!!

包裝

0.48cm厚度