《Shadow Awakening》第二身解迷神作！

Pakhoo

對於玩解迷遊戲，我真係唔係叻，始終都係要撞好多次板先可以解到一個quest。但呢一隻遊戲真係好唔同，佢係一隻合ARPG嘅解迷遊戲。簡單啲你當係解迷版嘅《Devil may Cry》就perfect 子啦！

新game《Shadow Awakening》

故事一開始大家係做一個惡魔，跟手就要去召換「三選一」嘅英靈：戰士--->近攻，厚血，但攻速連技慢；射手--->遠攻，速攻，但血少；法師--->主打火攻，攻高，但最少血。由細打DMC打大嘅我一定會揀埋身肉搏嘅戰士。

戰士:近攻，攻高，但攻速恰

射手：血少，快攻主打遠程

法師：主火攻和輔助 ,少血

去到呢度盲係要解釋點解會同DMC扯上關係，因為過版解任全靠大家係惡魔同英靈間互swtich身份！情況就好似你打DMC個時Dante 有唔同武器，唔同能力，要過到某個地點或者關卡一定要用指定武器咁。玩家要隨時轉換唔同英靈同惡魔，因為大家視點同能力都唔同，雖則行緊同一個地圖，但轉換角色可以解鎖到好多特別野同先可以順利過到關。

同一場境:惡魔視點

同一場境: 英靈視點

另一個值得大家去玩嘅原因就係因為佢一邊行會一邊執唔同武器，大家可以隨時係stop個畫面即時set up 好副gear。不過呢個遊戲都幾考技巧，解色攻擊會有空檔，如果當佢係Dante咁亂出招，好易畀電腦圍死，所以識得連技都係呢個遊戲嘅重點之一。

即執即裝備

近期大作除咗《Spiderman》之外，大家都可以抽時間玩下呢類型小品，支持下呢啲新遊戲呀！