大地震小重底音+新力鴨毛反射喇叭

slashbest

之前個subwoofer越用越細聲，於是去雅詠換個Earthquake subwoofer。
屋企細，8吋版本好適合我呢d環境鬥士。


之前我用definitely technology prosub 800，都係8吋，不過Earthquake MiniMe P8v2嘅表現明顯好好多，包圍感強，用atmos試音碟試音，真係好似地震咁，震埋附近嘅櫃，要特登較細電平同拎出少少先掂，雖然有d無癮，但環境所限，有得玩，而且有提升，我都心足嘞。況且太大聲，分分鐘樓下保安會走嚟拍我門。
經歷咗幾個月無subwoofer嘅日子，搞到我連碟都唔係好想睇，依家終於可以煲返碟！真係好爽！
特別鳴謝上嚟安裝嘅哥哥，有問必答，服務極佳！

另外，好似無乜人提起，其實Sony出咗對Atmos Enbled Speaker。對返港幣只係千幾蚊，但香港好似唔見有，所以去咗Amazon訂。


之前用過安橋最舊嗰款反射喇叭，唔滿意，於是Diy咗一對。論音色，呢對Sony毫無低音可言，我對diy一定好過佢，但做反射，可能始終經調較，效果又真係好好多，睇Game of Thrones第一季第一集一開始鐵閘上升一幕，加埋個新subwoofer嘅低音，效果好到我嗌咗出嚟！至於好唔好得過其他牌子嘅反射喇叭，恕我未用過，答唔到，不過千幾蚊有咁嘅效果，肯定可接受有餘。

睇官網講呢對除咗可以做反射，亦可掛喺電視後上方直接打落嚟，但女主人反對下，我無緣一試了。
都係嗰句，有得玩又有提升，已經收貨了。

大mo

我都有留意到sony依隻反射喇叭，仲電郵問sony果邊會唔會引進黎香港，但一直冇回應。

小小Pat

大mo 發表於 2018-8-4 21:37
我都有留意到sony依隻反射喇叭，仲電郵問sony果邊會唔會引進黎香港，但一直冇回應。 ...

可能無乜肉食。