假如沒有黃家駒

245141525

假如沒有黃家駒，可能唔會有 BEYOND
假如沒有黃家駒，可能無咁多人學結他
假如沒有黃家駒，可能無咁多人夾 band
假如沒有黃家駒，可能母親節無得唱真的愛妳
假如沒有黃家駒，可能無人識曼德拉
假如沒有黃家駒，可能天若有情唔會咁好睇
假如沒有黃家駒，可能籠民唔會攞金像獎
假如沒有黃家駒，香港嘅演唱會可能唔會加晒鐵欄
假如沒有黃家駒，可能我唔會聽音樂
假如沒有黃家駒，我床下底會多返好多空位
假如沒有黃家駒，我可能會寫假如沒有XXX
假如沒有黃家駒，我甚麼都不是
假如沒有黃家駒，其實我都唔知會係點

以上例子純屬虛構，因為黃家駒先生切切實實咁存在過，與其要話假如沒有黃家駒，不如講假如還有黃家駒應該更加吸引。

黃家駒先生，一個了不起嘅人，不折不扣嘅音樂癡、結他癡，佢寫嘅歌、佢寫嘅詞，動人心弦，感動人心，佢唱嘅歌可以觸動你每一條血管，滲透你每一個神經，佢給予結他生命，佢為音樂而生，被佢影響嘅人不計其數，包括我。

如果呢個世界有神，咁黃家駒先生一定係神，或者係神派落凡間嘅使者，打算拯救呢個世界，用音樂感染眾生。
好可惜⋯⋯，似乎發現呢個世界已經無藥可救，佢返返去了⋯⋯，留低嘅只有佢嘅精神。
而他⋯⋯他的歌唱出愛
他的真理遍佈這地球
他，怎麼一去不返
他可否會感到⋯⋯

對唔住，我又喺度傳教⋯⋯
無錯，我係 BEYOND 教教徒，我聽 BEYOND 嘅歌長大，流住 BEYOND 嘅血，經[一次意外]得以看破凡塵，豁達人生，自此致力宣揚 BEYOND 精神，亦希望將崇拜 BEYOND 的態度，用於每一件事，仍在努力中⋯⋯


黃家駒先生逝世二十五週年。


無限唏噓惜別天　含淚告別了無聲
眸里傾出真摰心　凝望輕輕的嗟嘆　難再聚

無奈空虛心內追　留下一絲絲迴響
沒法安於車廂中　遙望天邊的一角　難再聚

炎夏過後秋復返　如夢片段湧著心
夜裡執筆寫記憶　留下歡欣的憶記　難再聚

小瑟

家駒，希望你再世做人，比返你希望我地聽到既音樂比我地呢。好懷念…

LeoTo@FB

Beyond 陪了我三十幾年，黃家駒先生對於我是一種精神，一股信念。相信會係一世嘅事。

小瑟

同意, 係一世既事!!!