Sugar K - Absolute 負極地盒（大自然與科技的結晶品）

tonylhf · 發表於 2018-5-8 11:10

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

Sugar K - Absolute 負極地盒（大自然與科技的結晶品）

去年寫過一篇關於Sugar K USB Optimzer。主要在USB 位處理器材上的微電流雜訊。

呢個本地品牌Sugar K剛剛推出了最新嘅產品Absolute 負極地盒。其實我這篇文章嘅標題名稱已經隱含二個重點。

1）自然與科學的結晶品：這個地盒創新地結合了大自然同科技。擁有自然元素，因為裏面擁有多種礦物組成地盒的心臟，同時利用火山石包圍着以進一步減少干擾諧振。由於內部嚴謹地凝固着，所以不像一般地盒般為免接觸版同礦物接觸不良而要求打平方。這個凝固設計有利地盒位擺放，可以橫放亦可以直放。

同時這個地盒利用了科技，利用發燒電容，作為buffer水塘，超越天然礦物可以達到嘅效果，電容同時可以解決一般地盒會增加器材loading嘅問題，有了水塘，這個地盒可以安全地用於amp的speaker output 負極位。裏面同時巧妙地利用磁力效應增加dynamic 同埋功率。聽發明家講，電容為限量電容，供應商係少批量生產，所以比較難買到。雖然運用了電容，但這個只是passive 地盒，並不需要額外供電；

2）負極地盒：這個地盒着需要插在音響器材的coaxial 或者RCA 上，透過負極位產生拉力效應將器材上的污染帶走；

講解完二個簡單重點，依家黎到最重要嘅一個環節，突破性嘅設計，就係佢嘅「玩法」。

其實這個地盒内部有有兩個獨立嘅礦物倉，這個套裝會附送四條不同嘅jumper，可以按需要選擇把兩個倉連接起來達到串聯效果，有玩開地盒的師兄都知道串聯係可以達到1+1=3嘅效果，呢個地盒就係以此作為設計嘅重心。

四條jumper分別為：
1. Odin jumper
2. 金銀jumper
3. 銀jumper
4. 銅jumper

大家冇睇錯，真係包一條Odin jumper！用不同的jumper會有不同嘅效果，這個視乎你用在什麼位置，本身機嘅特質（膽機石機，厚聲薄聲），喜歡聽什麼類型音樂，來決定用什麼吧。大家發燒友最唔喜歡就係one size fit all，我哋一定要有得fine tune 有得揀！

立即去試吓效果

本人系統
MAC MINI （已改LPS， Uptone fan mod and SSD)> jitter bug > SOTM USB ULTRA > Xinger DDC > DAC > McIntosh C2300 Pre-Amp > McIntosh MEN220 > McIntosh MC275 power Amp x 2

我會以Odin jumper 作為這篇文章的主角，因為佢係我系統上聲音最貴氣。我用二隻absolute 於前級同DAC上，因為有電容嘅關係，插上後要比幾分鐘佢去差一差。

1）首先試人聲，艾怡良的我們的總和，呢首歌比較考驗系統，做得唔好人聲會好乾，如果過到關就大部份人聲都可以過關。一開始結他弦線鉤指聲很實在，樂器還原到很高，對比下原來之前聽落去有啲蒙似魚絲結他。女歌手一開聲，立刻感到地盒嘅威力，有啲毛管棟，人聲有感情有貴氣，多咗喉嚨音，去到高音位時，充滿力氣，背景毛燥少左，人聲定位比以前增加，以前音量開到40，不能再上升，因為有啲吉耳，依家可以升到45-48都得。

2）接着試 Krall 的 Temptation，呢一首係興快jazz，動態很大，人聲背後仲有大提琴，鋼琴，blues 結他同鼓。仲有Krall不停嘅轉音。非常考驗系統嘅分析力同動態，一開聲便聽到背景裏面有一個之前未聽過嘅聲音，原來有一開始有鈴鼓，以前一直聽不出來。樂器分離度増加起碼三成，每一件樂器定位很清楚，還原度加強。但同時人聲並沒有因為如此變得尖，換氣聲音很自然，人聲好有感情。由於樂器完成到多咗氣氛好咗，現場感增加，感覺自己坐係music club聽樂隊演奏。

3）最後試Joshua Bell 嘅四季 Summer III. Presto，這個是管弦樂大鵬野，試地盒分析力同控制力一流，一開始就已經聽得出超大嘅分別，四個字「氣勢磅礡」，頭段嘅一班小提琴每一下都充滿力量，這個並不是單獨嘅力上升，係因為noise reduction咁令到聲音密度增加,聲音多咗量，音場明顯比以前深。本身書架喇叭（加咗隻靜電超高），即刻變成坐地喇叭。

4）覺得後果咁正面突然諗下既然係amp到咁有效，不如試吓將佢插入去subwoofer睇吓係睇電影有冇效。一開聲就已經俾佢震懾，低音潛得更深，更加多左一浸低音係天花板，好似多咗一陣低音音場係你面前，果然依一個無論2 channel 定係AV都非常有效。

試完Odin jumper試吓其他jumper：
金銀jumper：接近Odin, 全頻提升。伸延度比odin弱，人聲相對下比較soft。這個比較適合用於比較乾嘅系統上。

銀jumper：分析力最高，瞬間變化最快，適合管弦樂，小提琴聲好清晰，但人聲比較薄。

銅jumper：這個是高級超粗轆triple-C銅，人聲最厚暖，低音量感增強，令到石機有膽機味。

用唔同嘅jumper會有唔同嘅效果，適合自己想聽唔同嘅類型嘅音樂或者機自行配搭。但地盒並不是加味精（除咗用上銅jumper外），只是令到聲音更加自然，並沒有改變聲底，所以絕對係改善唔係改變，呢一個都係我玩地盒最重要嘅要求。

最後這個地盒可以通過更換地線提升效能。現有官方upgrade cable 為booster cable，我聽到嘅效果為音場動態增加三成，提升低音量同下潛，基本上我覺得一定要一齊入手，人聲會更加自然。

後記：我本身好少寫長篇報告，自己玩過好多唔同類型嘅地盒同唔多類型嘅配件，真心覺得呢個香港品牌好利害，價錢不貴，功能強大，希望佢哋能夠得到更加多人嘅認識，所以有感而發，寫個長篇報告幫助佢哋得到更多人認識，令本地音響界百花齊放。