酷威 COOV N100 / N200 / HUB K4 手柄轉換器 簡評

阿定

今次要為大家介紹的係酷威最新的產品 N200手柄轉換器 同埋 HUB K4，同時亦有之前已推出的 N100手柄轉換器



酷威 N100 手掣轉換器



上圖為N100接駁MadCatsz手掣的情況，可惜不是所有手掣都可以直接使用(注:P4原裝手掣可直接使用)，不過如果手掣支持HID(例如部份品牌的格鬥用JoyStick)，可以使用下面將會介紹的HUB K4來接駁



酷威 N200 無線手掣轉換器

酷威最新推出了N200無線手掣轉換器，可以話係N100手掣轉換器的進化版，變成用無線型式連接自己想用的手掣，一套N200有N200S同N200T兩個組件，N200S插主機那邊，N200T插到手掣那邊，就可以使用相對應的手掣，例如用P4/X1手掣係Switch上面玩



上圖為無線P4手掣接駁到Switch的情況

N200T本身內置有電池，支持震動及體感手掣，因為無線的關系N200T需要用膠紙貼上手掣上才能使用，對外觀有要求的朋友可能會有點可惜，不過酷威已經在開發專門給X1手掣的版本(X200無線手掣轉換器)，可以直接安裝到電池位上，顏值度會比現在更好。



上圖為X1手掣接駁N200T時的樣子，需要使用隨附的USB線接上



上圖是使用X1手掣無線連結到P4的情況



新產品 酷威 HUB K4

最後要介紹的係 酷威HUB K4，N100/N200可以搭配 HUB K4 給 P4/X1/NS 使用USB外設。HUB K4 其實就是一個USB 分線器，因為P4/X1都需要接駁原裝手掣才能運作，但N100同時只能接駁一個USB外設，所以就需要一個分線器同時接駁原裝手掣及你需要的USB HID外設，咁什麼是HID外設呢，HID全寫 Human Interface Device，簡單點講，就係Keyboard Mouse之類插上電腦唔駛手動裝Driver就用得的USB設備，除了鍵鼠外，軚盤、JoyStick、手掣，只要係HID標淮，基本上就可以使用的了，咁睇到呢度，如果都唔明我講咩的話，可以理解成，Switch/P4/X1都可以用Keyboard 同 Mouse了，對打慣電腦的朋友來講，會方便得多了。



上圖為N100搭配HUB K4使用Keyboard Mouse玩Splatoon 2，筆者因為好少用Keyboard打機，所以無咩機會試用，但都接駁比大家睇下實際情況是這樣子的



上圖為X1手掣用於P4主機上使用，如果需要接駁P4手掣到X1上，也是同樣設置就可以

HUB K4除了可以於三大主機平台上使用鍵鼠外，搭配N100或N200亦可以使用第三方手掣於P4/X1主機上，不過P4和X1主機都需要長期插上原裝手掣作引導用，這就是為什麼我們需要一個USB 分線器了

高階使用:

N200秘技: 如無需無線使用，N200T亦可獨立使用，功能與N100一致，只需將介面A連接主機，介面B連接手柄即可。

N100秘技: 如果想直接於Switch主機使用無線P4手掣，N100 搭配 原裝PS 手掣接收器亦直接可使用的，只要預先係電腦讓P4接收器同P4手掣進行配對，之後直插N100到主機上，就可以用無線P4手掣的了



上圖為N100加插原裝PS接收器後，無線使用P4手掣的情況

用後感:

使用HUB K4 需要手動對照按鍵，即係WASD要對番上下左右，ABXYLR等等都要自己set番對應的按鍵，對新手來講會有點複雜，廠方現時只提供Splatoon2 (Switch) Blacklight (PS4) 的鍵鼠設置檔給用家使用，長遠來說需要廠方推出專用軟件來Set掣，又或靠網友/廠方分享不同設備或遊戲的的設定檔給用家下載。不過如果單純只想使用P4/X1等手掣到其它主機，性價比仍是超高的，非常值得推薦

而N200方面，無線效果唔錯，感覺唔到延遲，電力亦夠玩幾個鐘，N200T貼上手掣後亦不會覺得重，基本上除了外觀(因為要貼接收器上手掣上)，特別係使用係Switch上面，可以說接近沒有缺點。

KennisPike

你好, 想問下, 係咪即係N200+ HUB 4K 就可以用 XBOX360 O既MAD CATZ TE 大制玩SWITCH ?

阿定

KennisPike 發表於 2018-3-26 10:14
你好, 想問下, 係咪即係N200+ HUB 4K 就可以用 XBOX360 O既MAD CATZ TE 大制玩SWITCH ?

手上無你講的大掣，唔敢答實你，理論上電腦當HID Device的都可以Learn