老片一入 - 活伯自導自演經典《豪情蓋天》

Hugo Fok

DVD 年代已諗過一入此片, 睇下點解呢套片係外國可以平價咁高 (當年仲要橫掃左奧斯卡四項大獎)... 但因為年代久遠, 此片的 DVD 畫質認真唔掂,  所以忍手無入。之前知道佢出就出  4K 都有考慮過即入, 但一直唔覺有 CHING 提起... 今日終於鼓起勇氣小試牛刀一入... 今晚 try try 睇下 D 畫質好唔好得過同期既  <盜亦有道> 先...

SonSon

呢套真係好老吓

Hugo Fok

非常好奇呢批老片可以去到咩質素...最近知道 SONY 個邊連 <桂河橋> 都就來出 4K 版...  睇來呢 D 百年經典真系每種格式都要出一次碟,  "露露面" 後再進入下一個輪迴週期 ... 我自己之前完全未睇過呢堆老片, 所以出於好奇 KEEP 一兩隻其實無咩所謂

realworld360

lukalok

其實舊片係拍菲林係冇象素限制，只會愈出愈靚，scan到8K都得！但如果只用2K做source就未必得，例如Star Wars: Episode I-III。

Hugo Fok

明白 lukalok 兄對菲林像素可塑性較大既觀點。不過，我擔心既返而係舊片既明暗動態、訊噪同色準問題。之前 <盜亦有盜> 4K  同 FOX 版 <盜火線> 兩套片雖說整體銳利清晰度算過關, 但訊噪 / 顆粒亦非常顯眼，明暗對比動態不夠強, 畫面很 DULL... 睇個時有點吃力。比較奇怪系同樣系 70-80 年代出品既 <異形>、<星球大戰>、<奪寶奇兵> 同 <007> 個堆 (特別系 SEAN CONNERY 個批) 其實都不乏有暗境同夜景戲，但出來既效果明暗對比很強，特別系頭兩集 <異形> D 畫面除了 NOISE 間中會勁 D 外，色準同明暗動態幾乎同新片無疑。所以我覺得規格提升同 "愈出愈靚" 其實未必有 100% 的必然性, 有時真系好睇修復班人俾左幾多心機同修復過程有幾大自由度...  有時要忠於導演原意真系要犧牲好多,  例如 <密探霹靂火> 初版就真系比佢個 "畫風" 嚇襯, 我估實際畫質真系同底片幾乎無疑 ...    提外話, 好彩 Star Wars: Episode I-III 屬於補完性質 (純商業添食性質), 算唔上經典... 好彩而家 D 大導 / 部分片商都醒水, 識用返菲林拍戲, 幫自己同 D 後人留返條後路     而家我都仲好奇究竟下個禮拜出既 <2020> 4K 版可以去到咩質素...