【動畫●㩒掣有用嗎？】燈柱黃色盒仔係乜嚟？

Cheong448

http://hk.apple.nextmedia.com/re ... t/20170815/57080410

大家每日出街都會過馬路，不過你們又對交通燈柱上面的黃色小東西了解多少呢？其實呢個黃色小膠盒有兩款，一款是行人過路按鍵，另一款是電子行人過路發聲裝置，2004年沿用至今。它們花名是電子雞，又名E雞，因為噠噠機械聲似雞聲。前者全港約有2,300個，後者則有約6,200個，據運輸署提供的資料，每個成本約五至六千元，連喇叭及安裝費合共要萬一至萬三元，花費近億元公帑，唔係置之不理呀！

年輕貌美的運輸署交通及運輸調查部工程師沈佩詩，就親身教大家如何使用行人過路器。沈佩詩：「有燈號的行人過路按鍵是供普通市民使用，如果想過馬路就要輕輕拍一下黃膠盒，你便看見亮燈寫着『請等候』，紅燈時便耐心等一等，轉綠燈就可以過馬路。」係人都知？ 訪問當日見到等過馬路的人實在唔多會㩒掣，可能大家又會質疑佢冇乜用。以上海街一個燈位為例，實試後發現冇人㩒真係唔轉燈，等到58秒時一按就即轉。運輸署交通控制部總工程師王志雄：「㩒完掣的訊息會傳遞去馬路口旁邊的控制台，是一台坐地的灰色箱，但不會每次按完就立刻轉，也要示乎現場環境交通狀況，要平衡駕駛者的需要。」好似實試的上海街燈位就設定了25秒。王志雄補充：「有人會誤解是否拍多幾下就快一點轉燈，又或許智能程度可以數有多少人拍過，如夠20人便會轉燈，是不能夠的，可能將來科技有，但今天不是。」