[少量劇透]《鄧寇克大行動》︰不一樣的戰爭片

onon4359

alleelarry 發表於 2017-7-25 23:51
可能係CG與真實拍攝最佳溶合的一部電影，對上一次有此感覺的就是《真·哥斯拉》！ ...

係呀!以今日科技計,要拍兩三架舊戰機在空中對戰,應該不是什麼難事吧?若用CG可不拍到千軍萬馬呢?實地拍攝不如返片場?haha!咁當然一些「不可能的角度」,男主角揸飛機既shot,還是要靠CG!

mike384

onon4359 發表於 2017-7-25 23:17
空戰我反而覺得好真實,應該不是全CG,因為為左拍呢套野專登購入幾部真飛機,仲要鄧寇克實地取景,另外IMAX機 ...

剛剛上網搵了些資料，　首先導演係搵一架真的SpitFire, 除了拍佢之外，　導演亦有親自坐入去感受下，　從而畀左Ｄ方向演員們去演。

另外再搵了兩架Yak-52(俄製雙座機），　改裝成可以拍到駕駛艙（好似係放ＩＭＡＸ攝影機係後座）的飛機，　從而拍攝機師係空中的作戰場面。

飛機飛行時候亦不一定真係飛緊。。。

當然，　亦少不了模型

alleelarry

mike384 發表於 2017-7-26 17:35
剛剛上網搵了些資料，　首先導演係搵一架真的SpitFire, 除了拍佢之外，　導演亦有親自坐入去感受下，　從 ...

併出黎好溶合就已經成功了！

正宗球迷

我見呢部片因為nolan個名, 所以好多未睇就期待, 睇左都講到一樣咁神級既片,其他講電影既forum唔少人係狂讚.

個人覺得呢部片都唔係差既, 由於有歷史包伏, 個創作性去唔到好大, 所以主要係刻劃人性, 當時退兵時個演員內心,多過大堆頭人數退兵.
變相冇左對上既inception個種入夢入到令觀眾覺得邊一段係真,定成段係夢,仲有好似interstella中後段同通話, 呢D野唔見哂, 稍為失色.
出色既係將三個唔同故事,唔同長段既timeline可以串番埋一齊,呢樣係做得好好.
我一路睇一路有疑問, 我唔諗住係大型戰爭片,炸到九彩, 但係退兵黎計, 炮火以及同德軍對恃既畫面少得滯, tom hardy個場空戰, 得兩三架機,
史實計會唔會太少呢?仲有成班兵等船走人, 唔係幾合當時情勢既平靜, nolan唔通常將焦點去番人既關係??

三個故事,係空戰算最好睇,因為IMAX之下一流既視覺效果, 都係好緊張,配槳帶起左觀眾既情緒. 士兵個段緊張位係最後一段踢爆法國仔扮英人,同時成班人想等潮漲走時比人射,其他真係冇乜特別. 平民出船救人, 片中既george真係首次任務就咁樣, 其餘就算有mark演出,
都帶唔起個節湊. 最後兩個兵回國時個驚慌變開心既心理轉變都算係片內其中一個出色位.

我係去megabox imax睇早場, 因為話大部份畫面都imax拍,果然係唔同, 空戰, 碼頭成個海堤, 真係好包圍. 配槳又係個幾下計時聲令人入局.
點解呢套做唔到12聲道, 反而spider man唔係imax拍,都可以比佢出到12聲,唔通後制時多聲道,唔係imax規格都可以播到?

Hugo Fok

琴日終於同 Friend 夾到時見入場 '朝聖". 入場後第一個感覺係 MOKO IMAX 個場個畫面好 DIM, 黑位細節最多只系出道三成左右, 高光位就算系天空都係昏昏沉沉，完全 Feel 唔到陽光應有既耀眼感... 上次係 MEGABOX IMAX 睇 <星際> 都有同樣情況, 已唔知道係硬件問題定畫風問題啦 (睇碟就光猛返好多)... 講返故事本身, 我覺得神導無左愛將 Christian Bale 助陣似終會跌左唔少 WATT 數, 加上主線將焦點放在落兩個新面孔到,大家投入度都會大減. 其他熟識面孔兼好戲之人如 Cillian Murphy / Tom Hardy / Kenneth Bangath / Mark Rylance 係片中雖然引發左不少張力位, 但同 NOLAN 之前三套 DARK KNIGHT 所帶來的震撼都係仲爭一大截, 論戲劇張力只屬於一般, 好多緊張位如敵機逼近, 大家搵定哩, 沉船無氣透既情節翻用又翻用, 大場面規模雖大但稱不上是奇觀都另我有多少失望...值得一讚係 NOLAN 今次真係充分善用  IMAX CAMERA 既優勢, 全片幾乎九成畫面都用盡了 IMAX SCREEN 既畫幅... 起初認為 E14 一行畫面太過埋身, 但坐定後就發現係咁埋先有現場感... 片中的主要場景 "碼頭" 同 "空戰"  在 IMAX 巨幕上幾乎是一比一還原於面前, 諗翻起其實都得確幾爽... 可惜 MOKO 個場仲係 5-channel, 聲音連慣性 同 包圍感 實在有改善空間...  如果呢套片年底出得成 4K UHD, 我估我都會入隻當紀念, 但翻睇就真係未搵到勇氣啦    

gashapon

我之前講過就算是Nolan的電影, 但我本身不喜歡戰爭電影所以都唔會睇. 但最後巧合之下(因為剛好有個空檔) 結果還是睇了.

可能我一開始就唔expect會有血肉橫飛的場面, 所以我又覺得唔錯. 成套戲我睇完都唔知主角(個男仔) 叫咩名, 不過呢個都係導演的手法之一. 就係唔想太刻意"英雄化"主角, 反而睇到完場都只係普通人一個. 我以前讀書時都有讀過呢段歷史, 但當時未感受到有幾可怕. 反而電影一路睇一路想, 如果我是當事人之一, 我一定好絕望. 走又走唔到打又唔夠打, 真係只係"等幾時死". 高潮位可以說成套戲都無, 但其實一路都好緊張. 可能英國人會感受深d, 始終我地呢d未經歷過戰爭的人係無可能知當時有幾慘. (大不了只係留意有幾多血, d手腳有無炸飛晒出來, 主角威能下一個打100個etc etc)