分享下我兩個唔等駛既玩具 (黑膠碟+唱盤)

takeishi

  幾年前~買左盒BOXSET (黑膠碟+唱盤Vinyl Bus) ~ Visionaire 53 sound
果陣真係完全係貪得意. 買左呢盒野. 有5隻圖案碟. 2隻CD + 整套的唱針巴士Mini車仔.
呢套野買左黎玩都真係勁俾D朋友串我都唔知買黎做為咩. 其實都有D後悔架真係.



  又的確幾無謂下架~架 Mini Vinyl Bus , 放晌隻碟上面自已會跟住隻碟自轉. 從而播放音樂.
但係. 最大既問題就係. 架車仔好易整花隻碟. 所以玩既時候真係要好小心好小心.



最後~唔駛講啦. 呢盒野放左晌度當玩具咁擺囉. 不過~好彩有5隻獨有既限量版圖案碟.
呢5隻碟係呢套野先至有既. 都總算有番小小安慰下啦. 除左5隻Picture Disc之外. 佢有送埋兩隻CD.
不過CD內容係跟5隻碟完全相同.  有成百幾首歌架.



  俾個曲目你睇下~不過好多我都唔識. 哈哈. 都係果句. 貪得意買.

https://www.discogs.com/Various- ... und/release/1221538

  唉~好啦. 到上年既年尾. 我用開個阿爺留俾我既山水唱盤呢. 已經壞到無得救啦. 整完又壞. 壞完又整.
最後整完無2個月又壞. 所以無奈都係要俾佢退休啦. 足足成年無盤用. 期間我D碟癮又不停咁晌度發作. 每次毒癮發作.,
我都只好播住CD黎頂癮. 因為一直都未搵到個又鍾意. 價錢又唔貴既唱盤. 睇過好多二手盤. 重貴過新盤. 又睇過HMV,
下下都成2千. 最後~朋友介紹. 買左呢部 Agnes.b x Vestax 唱盤.



好. 即刻開箱~同大家分享下.











  其實都係俾d Friend 話我呢部野又係D唔等駛既野黎架啦.
試完啦~玩後感就係. 呢部野. 樣靚. 外型滿分. 內涵就扣分. 不過呢. 又唔係真係差得好緊要既.
話晒大牌子出既野. 佢集合左Agnes.b既個性. 加埋Vestax 呢個專做DJ器材既Cross Over Product
佢真係有一定既吸引力. 所有最basic既功能佢都有. 只係~想要再進級D要求就真係無架啦.
所以~真係只適合俾D初心者用.











  唉~兩部都係唔等駛野. 中左一次伏. 估唔到又中多次. 哈哈哈
但係我又出奇地好鍾意呢兩部野. 貪佢夠好玩. 新奇. 刺激. 好玩. 1次過滿足晒我3個願望.





  哈哈~我個個Friend都串到我爆. 話我買埋D玩具唱盤. 不過. 我真係見到就愛上佢.
永遠都係靚仔係無敵架. 無辨法啦. 再次一次衰晌靚仔手上面啦.  

kl122002

個mini bus 是vinyl killer, 在垃圾碟上玩下OK的. 因為是靠track 去帶住架車行, track force 比起一個正常的唱盤大好多.
基本上, 被架車仔行過的碟再放去一台hifi 唱盤+支sensitive 的針, 可以聽到所有問題.

Vestax 早年在SSP都有得賣, 我記得是白色的.  比起mini bus 是過得去了. tracking forse 都是令人擔心
https://www.reddit.com/r/vinyl/c ... nd_the_reasons_why/
https://www.vinylengine.com/turntable_forum/viewtopic.php?t=18204

不如用心找一個Project 的唱盤, 唔貴又好聲