買碟全攻略~分享大家買碟既方法

阿正

很好的分享!

Grandmaster

cd店日见稀少, 唯有上网去买了

kelvinhin

雖然節拍黑面神真係太出名, 但佢有時會有d好平的全新CD, 所以入去睇下都OK. 不過新出的碟都係去隔離威威買好多.

ernietse

想當年90年代喺荷里活中心上面仲過癮呀!

有個疑似佢阿媽白頭老婦,

馮親你掂佢嗰啲黑膠碟,  佢把口就係咁機關槍掃你:
怒罵你, x街y家產!

唔知你哋有冇人嘆過呢

takeishi

ernietse 發表於 2017-3-14 23:30
想當年90年代喺荷里活中心上面仲過癮呀!

有個疑似佢阿媽白頭老婦,

    哎呀~俾你扚起晒我D童年回憶 (陰影) 啦  
果間未係節拍囉. 你咁講起我記得啦. 當年. 個阿婆晌旺角起晒朵架啦.
佢未係個黑面神(個老母)囉. 坐晌門口. 好似當正個個都係賊入去偷佢野咁.
你試下掂下佢D野呀. 即刻問候你祖宗十八代.

  算啦~唔好講啦. 有D屎忽鬼又出黎話我唱衰人架啦. 又話我小氣架啦

takeishi

takeishi 發表於 2017-3-15 09:17
哎呀~俾你扚起晒我D童年回憶 (陰影) 啦  
果間未係節拍囉. 你咁講起我記得啦. 當年. 個阿婆 ...

  我小氣~但係我從不講大話架.
事不離實. 幾拾年前既事. 我都真係記得清清楚楚架

  係呀. 當年有個老伯伯同埋一個(臭串)既阿婆. 個阿婆呢. 應該係節拍黑面神個老母.
個老伯伯呢. 態度就比較好些小既. 好似後期健康問題所以都無見到佢啦. 只係得番個臭串阿婆.

  有次呢. 我上去佢度睇碟. 聽到佢女婿 (即係黑面神個老公) 同個臭串阿婆鬧大交.
內容大慨係話佢鬧D客啦. 態度唔好呀咁啦. 鬧得都幾勁下架. 個神面神(佢老婆)就無插咀既.
果陣我心諗~你呢家先知D客受氣咩. 去你度買野重要受你氣...............

  自此之後~臭串阿婆就消失於旺角之中了..........直到永遠. 阿門.  

35ti

鴨記90年代時最多好嘢黑膠賣㗎,5蚊10蚊而已!

kl122002

takeishi 發表於 2017-3-15 10:01
我小氣~但係我從不講大話架.
事不離實. 幾拾年前既事. 我都真係記得清清楚楚架

我有印像見過兩次. 被佢丙左N次之後, 同行的一位朋友終於有次一口氣買十幾張, 睇下佢丙唔丙
點知都仲被佢丙, 我唔太記得成句後乜...
所以我常說呢家店是傳奇中的傳奇.

丙人又被人丙再又丙人丙來丙去丙足甘多年都不倒, 是不是要應去訪問下?

takeishi

  嘩~我岩岩禽日晌深水场掃左廿幾隻黑膠碟. (平均35蚊隻) 開心到我懶屎咁滯.
$35蚊. 唔係D垃圾貨色. 開心到我呢. 十年都未試過晌香港掃到D又平又靚既膠膠啦. 對上一次用咁既價錢掃到好野.
應該已經係十幾年前既事啦. 開心到呢家都重興奮緊. HIGH過食左偉哥.

crazymandance

takeishi 發表於 2017-3-15 10:01
我小氣~但係我從不講大話架.
事不離實. 幾拾年前既事. 我都真係記得清清楚楚架

個阿婆真係响哂朵㗎！ 原來佢係黑面神阿媽。 當年一攞住樓下鋪頭 "Music One" 嘅袋入去佢地度， 個阿婆就閙， 甚至被佢阻住同被趕走， 心諗駛唔駛呀？！

記得係突然間個阿婆冇喺鋪頭， 跟住幾年後佢又喺鋪頭出現過一兩次，