Cambridge Audio YoYo (M)

ngszewai

前一排見到有介紹Cambridge Audio YoYo(M), 當時已經好有興趣.  上星期五的起心肝去買來放係書房玩.

BB係年多前出世, 係呢16個月, 我可以聽歌的次數只有2次!  再加上想清走hifi等佢多d地方跑動, 終於的起心肝賣晒佢, 已經約好今個星期尾車走.  雖然吾捨得, 但係為左阿仔, 無計.

講返部YoYo, 真心講, 2千幾, 吾通想佢好聲到hifi咁咩!  只可以講, 有驚喜, 物有所值!

先講聲, 同hifi比, 細節位無晒!人聲OK, 可能書房環境問題, 低音有點過左.  同部micropod比好好好多.  之前部micropod真係只會用來出聲, 有聲就算.  而家部YoYo可以聽下.  setup方便, 非常簡單.  又有內置電, 可以拎住周圍去.  但頂癮係用Aux-in係無分左右聲道.  只係將左右聲夾埋一齊出, 再copy去另一邊出聲.  侷住用BT

BT的確係聲音有限制, 我係ipad買在Golden ear, play AIFF.  其實同itune播都有明顯進步.

總結下,

優點 :
1.  簡單, 易用
2.  靚仔
3.  聲音對得住身價

缺點 :
1.  Aux-in無Stereo
2.  BT無APTX
3.  無細節位, 聲音始終同大機有距離

最後, 昨晚等阿仔訓左, 聽左1粒鍾, 好耐都未試過, 好開心!!!

ngszewai

尋日同代理傾完, 去左旺角搵人做條線分開左右聲, 再獨立駁每一邊

效果好好, 比BT好聲好多.  比較煩的係要用PC入面的SW去控制聲量.  但效果超好.

吾知是旦搵條3.5 出2RCA再轉得吾得.  我就叫師傅分清左右聲道.  雖然手工好貴, 不過我覺得好值.

ngszewai

ngszewai 發表於 2016-11-29 12:24
尋日同代理傾完, 去左旺角搵人做條線分開左右聲, 再獨立駁每一邊

效果好好, 比BT好聲好多.  比較煩的係要 ...

買左10日壞左，2邊都開吾到.....

vicentk

ngszewai 發表於 2016-12-9 22:59
買左10日壞左，2邊都開吾到.....

咁快手 ？

scc

咁化學? 又要擺低幾多日維修

just_for_uhk

ngszewai 發表於 2016-12-9 22:59
買左10日壞左，2邊都開吾到.....

jastudio

ngszewai 發表於 2016-12-9 22:59
買左10日壞左，2邊都開吾到.....

化學。。。
(Post76 Android 手機版送出)

ngszewai

放低2日已經拎返, 其實係software crash左.  但點解2隻同時crash...真係吾明.

講真, Cambridge Audio d人幾好.  好快手.  但佢地講而家市面上所有貨佢地都一定要先左右pairing.  新firmware吾可以unpair.  即係我當佢獨立2隻咁玩係新貨來講已經吾work.  師傅知我係咁, 特登吾pair.  等我可以用番自己方式去玩.

當然, 我咁玩肯定吾係大路.  隻野本身係BT.  吾用BT為乜買佢?

呢幾晚聽下歌, 上下網, 見B&W有隻MM1, 睇外國review好似吾錯.  香港賣到4千幾.  Amazon先USD399.  訂左對, 過一排收到貨再compare下.