尋寶的奧妙-----XLR CABLE

極地雪

有人話過，有一set 好器材都要有好既線材，到底咩先叫好？係咪一定要買貴野（幾千蚊至幾萬蚊不等既名牌線材先叫好？），相信唔同人有唔同既見解，而小弟就奉行係坊間尋找一d 性價比高既線材，有好多Ching 可能會問點解會係尋寶網搵？ 唔怕買到假野咩？ 難道係 76 、33或hixxxx 二手區就一定會係真？

而小弟經過一輪既尋覓，終於搵到一間係台灣品牌聲稱MADE IN TAIWAN 但中國自己代理，（MIT）起初都唔太相信，覺得唔係好靠得住，但諗諗下對XLR cable 又唔算貴，就算被佢呃都最多呃一次咁大把，結果就把心一橫，決定去了解下，佢地個客服就唔好有咁大期望，唔知係佢地對自己既產品太有信心定點，唔太積極，但幾過一輪對話，佢又突然過於積極，客服話佢地用既係6N銅鍍銀，我半信半疑，本來我只想買條入門既線，結果係價格相差不多下，就買左佢地條頂級XLR CABLE，佢地既效率又出奇地高，只需等一日既時間就送到貨到手！









既然貨到手就梗係試下佢咩料喇，手一拎，都發覺有d 重量， 順理成章咁梗係要插去試下聲。

小弟用既器材並唔係咩名貴野：

Player : pioneer lx88
前級：YS AUDIO A2 plus gold
後級：edicreation eci 7
Speaker: elac bs244

分別播
童麗 遇見
胡琳 他的女人
陳慧孄 飄雪
交響樂及古典

經過反覆的試煉得出以下既感覺：

以二路喇叭中頻人聲一般唔會太突出，但駁左呢條XLR CABLE 產生左微妙既變化，人聲通透左，中高頻比較相對柔和，由其聽《他的女人》，人聲既密度不輸大品牌，聽人聲小品最怕就係無情感，但又出奇地不乾帶甜。

然後試聽飄雪，用左呢條XLR CABLE 發覺低頻控制的好好，彈跳力量感恰到好處，唔肥，唔拖黎帶水。

跟住就試下大棚野同高音，交響樂既定位及高頻延申性好好，當合奏時可以清楚咁聽到樂器之間既分離，唔會''乸埋一注''！音場闊而開揚。聽《遇見》 童麗唱得特別高音，唔會太尖或吉耳。
而家每一晚聽到既感覺都有微妙既不同，相信再經過時間既洗禮，會愈來愈正～

結論：

如果做blind test ...我個人認為以質素黎講，唔一定輸比Norxxxx , Neoxxxx, Furxxx, carxxx, 等等既大牌子。以價錢黎講，絕對殺低各大品牌，當然以上只係小弟木耳既聽感，不喜勿插。

raylee

支持發REPORT!

呢個牌子我都有望過下, 但見D評價唔得, 個名又改得唔好, 就無再留意

如果有機會, 都想入番條同大陸大牌CC, MPS, 聲諳個D比較下

極地雪

raylee 發表於 2016-11-21 17:52
支持發REPORT!

呢個牌子我都有望過下, 但見D評價唔得, 個名又改得唔好, 就無再留意

當然好喇CHING ，如果有多D 線可以BLIND TEST 就正喇  

之前問朋友借過幾條唔同品牌既線試，我得出呢款性價比確實唔差，重點係個價錢實在好合理～