猴擒兄弟幫 - 娛性十足

Jason852

係最近睇過唔錯的笑片 因為真的差不多笑足了全程

故事簡介
「二十世紀福斯影片」開心呈獻，今年暑假壓軸最癲喪大笑片王《猴擒兄弟幫》，由《凸務Madam》賣座班底加《賤鄰50》抵死編劇，攜手抵死出動；《Party冇限耆》金童慾女：「爆肌型仔」碩克艾佛朗、「激凸辣椒」艾貝莉帕茜，聯同《完美巨聲幫》紅透全球的姐仔安娜姬妲妮、《見習冇限耆》戇實小生阿當迪芬等，帶你玩轉high過界婚禮，爆笑冇限期，更冇底線！故事改編真~人~真~事~（你絕對冇聽錯），聞風喪玩兄弟幫米克和戴夫，屎忽痕網上發帖廣招「玩伴」一pair，孖住去妹妹的夏威夷世紀婚禮。兩兜友本以為喪玩無極限，點知撻著索爆「狂野雙妹嘜」，招招食住晒，到底點樣他倆才能挽回臉子，同時又贏得美人歸？



套戲好有娛樂性 整體都係吸引的
首先,演員方面,都是青春偶象,感覺唔錯
女演員方面,外表好似斯斯文文,但內裹勁open,就係呢個反差令d位更加笑唔佛
故事方面,背景都是簡潔的,情節很乾脆,沒有像一些笑片,慢慢離題了...但這部沒有,所以睇得舒暢
加上,笑料很足料,笑位一個連一個,睇得很愉快,不知不覺便過了一個多小時

整體個人同意這是套不俗的笑片 ,雖然未到十分好看
但若是間中想笑下輕鬆下,看這套便沒有錯了!!!
7/10