屍殺列車 - 最可怕既唔係喪屍.......

SonSon

貴為韓國開畫票房冠軍, 加上大部份影評都係正面, 啱晒喜愛災難片既我 + 喜愛喪屍片既老闆. 喪屍片印象中好似冇用過單一交通做題材, 早幾年係有套都係韓國出品類似既"末日列車". 其實喪屍片荷理活已拍到爛, 近期最有印象一定係畢佬既"World War Z", 至於呢套韓國出品, 特技上當然唔可同荷理活比較, 大部份鏡頭都係用化妝+演員演出, 但大量臨時演員就算只出一個鏡頭表情動員都交足貨, 算係咁啦 最有印象係尾段大量喪屍跑向主角火車頭一段, 真係有World War Z影子. 全片有三份二時間集中係火車上, 導演算係用盡火車狹窄空間呈現壓迫感, 所以仍算緊張刺激 , 當然大家被困列車, 一定有一大堆性格唔同角色先有衝突有戲拍, 呢部份係災難片必不可少元素, 亦帶出人類可怕既一面 .

可能睇得太多喪屍片要求又高咗, 屍殺列車雖然算OK好睇, 但劇情已估到七七八八加上又係犯一個通病就係冇講病毒源頭, 只係係電話講咗一句咁大把, 就搞到男主角好似丈突然有負全世界咁 , 所以都要扣D分, 但係都值得比錢支持吓呢班亞洲喪屍

vinsckan

睇完，感覺好一般，套野太過扇情，離不開韓式幾味，不是一部什麼佳作。很平鏞。

SonSon

vinsckan 發表於 2016-8-16 14:03
睇完，感覺好一般，套野太過扇情，離不開韓式幾味，不是一部什麼佳作。很平鏞。 ...

唔係嘛, 套野太過扇情??? 又學人扮睇咗??? 你成日引用他人影評, 不如呢次又引用吓睇吓有冇人附和

SonSon

vinsckan 發表於 2016-8-16 22:22
**** 該帖被屏蔽 ****

請遵守版規尊重自己尊重別人, 發言時用詞乾淨好D, 否則將會被禁言處理, 多謝合作

alleelarry

vinsckan 發表於 2016-8-16 14:03
睇完，感覺好一般，套野太過扇情，離不開韓式幾味，不是一部什麼佳作。很平鏞。 ...

假如我明知唔好睇既戲，一係唔睇，真係要睇都等收費電視免費播個陣先睇，慳好多時間同金錢啊！