《寒戰2 / AURO-3D》港產片=TVB藝員????

Hon

相信呢套戲係近排其中一套多人入場欣賞既電影, 話晒寒戰1攞晒獎(我覺得只係無對手啫), 所以同期既DORY就啱小朋友, 而呢套就啱大朋友.




本來諗住遲一陣至睇, 因為原班人馬所出品既"赤道"令到我明白咩叫做過火之後, 真係對佢無咩期望, 但咁啱今集玩IMAX, 仲要玩埋AURO-3D, 見有新野就想試雖然明知係壞習慣, 但點都要睇架LA, 於是就順理成章睇埋佢.

好耐無去AMC睇戲, 自從又一城嗰間CLOSE左, 加上METROPLEX既舒服吸引到我後, 我就轉左去METROPLEX睇戲, 基於未去過金鐘AMC睇戲(因為都幾貴同唔順路)兼試新野(對我黎講咋), 所以當見返一開始既畫面真係有種親切感.



基於早場關係同埋依家D人好鍾意夠晒鐘或過左鐘至入場關係, 所以影到呢張相, 實際上睇落其實幾勁, 因為佢個院唔叫大(我指同METROPLEX 1院比較), 但就因為呢種技術而令到整個院都包圍晒喇叭, 嗰種震撼感覺自問覺得幾誇張下(去得小其他戲院睇戲, 見識小請見諒)


先講返套戲, 故事鋪排上幾好, 以近年咁多套續集電影黎講我覺得算叫做平和, 而平和得黎又唔會跟上集既對比上變得兩回事, 因此可以頗投入睇到完場.

至於人物方面:

郭富城
- 上集黎講我覺得佢唔夠火, 尤其是跟梁家輝對講既時候, 好明顯係次一級(我估因為咁所以梁家輝攞影帝), 但今集就變得唔同左, 睇得出有放心機落去演好角色, 話語間雖然一樣係無火, 但睇得出有另一種火, 而呢種火係由多年來拍電影累積出黎既, 講說話出黎既肯定同淡然都做得好好, 值得加分.
(當然, 有部份係因為我對佢所拍既戲有興趣睇到依家)

梁家輝
- 唔駛講, 佢如果都唔掂既話, 咁呢集可以收皮. 我一路睇一路都覺得佢係無間道嗰種角色, 以為佢真係如我所想到尾, 但點知... 原來有第3集既, 所以今集係睇佢成魔, 加上佢個仔(彭生)咁大既付出, 對佢老豆黎講終於有回報.

其他演員就好似我題目所寫一樣, 原本以為港產片只係被大陸土豪投資最大份之外, 原來今時今日既香港演員超大部份都只係TVB既藝員黎, 真係諗極都諗唔明...


至於試聲方面, 今集唔算好多槍戰同爆破場面, 所以只係試到槍戰同爆炸方面我個人覺得清晰左, 層次上亦多左, 比以往既音效聽出黎會較為舒服, 可惜又或者我感受唔到背後既聲效, 如果外國戲好似STAR WAR咁都玩呢樣野既話, 我個認為應該發揮得比呢套好.


由於佢擺到明有第3集既關係, 所以睇就一定要睇埋, 但希望故事上多小小突破, 同埋將今集進步左既場口再加強到第3集就好啦(好似明知假到爆既爆炸特技用小D兼唔好用近鏡).

整體上我會俾8.5/10
(留返既希望下集會更好)


多謝大家欣賞.