支持本地創作 Tiger Model的Q版飛機系列

mike384

先講一講Q版飛機(指將現實飛機肥仔化個d), 其實好早就有, 印象中三十多年前長谷川已出過蛋飛機系列, 出到而家都有, 但蛋飛機系列的特點係唔理架飛機原來咩形狀, 都會變成蛋狀, 而今次砌的Tiger model, 係比較新的出品, 約一兩年前開始留意到, 舊年TOY SOUL亦有見過, 到了最近, 鍾意買返盒黎玩下, 價錢唔算貴, 幾十蚊貨仔, 但質素相當高.
盒面好可愛, 今次買的係飛虎隊的P40, 同款機剛剛早排係觀塘都展示過一架1/1的模型(唔係真機).

部件唔多, 但都大件, 易砌的, 基本上唔使膠水, 如果唔打算上色, 直接砌就好, 駕駛艙夠大, 粗粗地上線的話MASK都可以慳返.

自問手功唔好, 又心急(最後連迷彩都唔上了), 有D水印都整衰左, 好彩盒中有兩套(一套水印, 一套貼紙), 於是係無符下, 兩溝地使用, 效果係差D, 冇計啦.
砌完當然拎出去影下外景, 自然光始終係好D


見呢度少人POST模型, 希望引到多D同好啦.

alleelarry

素組既我入黎打個招呼先！

mike384

alleelarry 發表於 2016-6-29 21:11
素組既我入黎打個招呼先！

多謝支持~~~
最近出了唔少Q版軍事模型, 大部份都可以素組, 不過只要加多兩三隻油, 會好睇好多架, 所以米玩下LOR.
今次係咁易罐噴加少少手油, 除了底色, 得兩隻主色(欖綠同底部的明灰), 同素組分別不大啦.
個艙蓋係就咁用GUNDAM MARKER的油上去的(先係深灰打底, 後用暗綠), 近睇粗, 但影出黎比想像中要好了.

fm31331

好正。

hiyori

好吸引!細個果陣有見過但唔知點解無買到，請問呢款可以邊度買到?

mike384

hiyori 發表於 2016-7-4 15:32
好吸引!細個果陣有見過但唔知點解無買到，請問呢款可以邊度買到?

呢隻新野黎, 我估出左都唔夠兩年, 可以去環球, 康田搵下.
至於細個個陣個D, 應該係長谷川的蛋飛機, 個形態都好唔同下, 我就鍾意TIGER呢隻的駕駛艙夠大, 可以整得更DETAIL, 身材亦會似返原來隻機.

呢隻就係長谷川的蛋飛機, 可以比較下.