如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
尋日有幸去到個特別場, 優先欣賞呢套港產片, 題材係港產片的大熱之一, 犯罪.
而且主角更是以三位有名的捍匪為藍本, 親切就談不上, 但與人一種實在的感覺.
呢類電影同警匪片的, 主角係賊, 警察不論係出場頻次或實際效用都係出奇的低, 而一般的道德都會相應地降地,
甚至扭曲, 而係個個年代90年代前後, 當時警察的確係畀班賊搞到頭都大!!
而今次電影搵了三位新晉導演, 分別負責三位大賊的, 其中原案, 大賊的安排似乎兩位監制:杜生同遊生已經早有心水.
以前提過, 故事係以三位實在人物為參考而寫, 但其實只屬參考, 據導演同監制所講, 套戲的理念其實係跟返個國標題 , TRIVISA, 乃源自梵文中的貪, 嗔, 痴, 佛家所謂的三毒, 而非一套傳記片.
我唔係度劇透了, 但想係度講下自己對三段故事/角色的感受.
1. X子強 陳小春
呢個係一開始都唔睇好的, 個人對陳生的演技向來都係不敢恭維的
負責佢個部份的導演都有係之後的座談會提及, 呢個角色係好適合陳生演, 因為就係想要一種浮誇的感覺, 但導演好厚度地話陳生只要表現出浮誇, 而唔係演技浮誇, WELL, 我唔係專家, 唔作評論了.
雖然不滿佢的演出, 但導演係故仔上都有D幾有趣的表現, 中後重有DD TARANTINO 味添,都幾難得.
2. 季X雄 林家棟
三位大賊中我最唔熟的係佢, 因為佢個真人都係較低調的, 我本人一黎唔算係杜SIR 的粉絲, 亦唔係林生影迷, 所以平時唔係太過喜歡佢D戲.
不過, 呢套戲中, 係佢同導演的配合下, 算係最好睇的一PART.
3. 葉X歡 任賢齊
純講故事, 呢個係我最喜歡的一部份, 其實入面的葉X歡同真個位真係唔似, 指性格同行為上, 雖然導演將真人的一D事擺左係個角色度, 但以佢的為人, 真係唔似.
點解我又鍾意, 因為電影入面的葉大賊的有一段唔做賊返上去做生意的故事, 真係好多香港人都經歷過類似野, 入肉三分.
整套戲唔算差, 但亦未到好睇的地步, 希望本地導演繼續努力, 我當然亦會約繼續支持.
換個話題, 我其實都睇過唔少呢類省港旗兵的電影, 有真實的, 有奇幻的, 有掛羊頭賣狗肉的...
但始終都喜歡省港旗兵2, 真實唔得哂時帶點幻想, 再加D浪漫, 好有FEEL的一套戲.
而家好難再拍LOR, 拍港省旗兵就差唔多... |
發表於 2016-3-29 11:55
樓主
