WSC 黑騎士 Vatshu The Black Knight 五星物語製作進度

大佬John · 發表於 2016-8-13 18:42

手下臂，高低級開正薄邊位，附近都是氣孔，再加波浪坑

為保留邊沿厚度，CA膠爽身粉加厚再磨

修正波浪紋,修正後的邊沿厚度，氣孔

內構研磨+清理

啄手指隙，之後差喉同劍盾就可上灰

重戰機、五星手下臂內側常見的線條與剪影

竹谷隆之造形上也常見的手下臂內側線條

Set pose時將膊至手肘一段靠近腰身, 下臂至手腕向外拉出。
右圖是google找的直接set法。

因為WSC是free joints, 而且下臂線條冇Volks咁明顯, Pin角度有少少出入, 線條就會有好大差異。

手肘用曲手optional parts磨細補入虛位

打劍，全支白鐵都係窿

近睇氣孔

整條批盪ca膠加粉。磨白鐵出來d粉整到全身痕癢無比仲有d紅

盾上三粒勾玉，12支L字想只刮走唔利落的部份，睇過人翻譯factory生嶋同谷明講如何鑲忍式的細部，就覺得如果好似Blackroom一樣有理冇理都將佢挑條坑，就連原形師既功夫都挑走埋。呢度真係鑲得好靚

只適量地清理

郡氏PS290 0.5噴筆, 我依家噴底灰，單色主色，topcoat，都係用哩支。睇某噴筆評測話哩支"霧化"好差。但其實佢o忌長處係集中，噴單色順滑。另經常聽人話噴灰用cheap cheap 0.5就得，但係果d cheap筆o忌設計同普通噴筆一樣邊沿羽化(唔集中,即係噴陰影用o個種設計)，雖然都係0.5大口徑，越噴越鞋，底灰鞋主色就更鞋，主色鞋topcoat就更加更鞋。你話點可以噴灰用雞筆呢?!

銅支包膠紙

用紙皮砌插竹簽

裝左粒macro眼仔之後，容易對未來感到不安困惑

有D氣孔就咁用眼睇唔到

磨依d生嶋keys, 原形開模時應似噴左少少鞋既灰，所以高光位我上灰前用800號磨過會比坑入面滑。以依個距離睇會見到原形師自己既刮痕刀痕，睇到都算係神交。圖2係1200號濕水輕力磨，主要磨上灰之後見到之前磨唔足既暗角位。因為濕水同好細，手指甲前面甩甩地，本騎甲重名不虛傳。

執texture同將一層層之間刮成最少90度角(原本可能係唔清有膠屎或者大過90度鈍角)

[窮] 土炮手柄, 用自由樹脂捏, 快拆, 就咁啜住, 軟, 唔重。
另外噴筆掛架,常見兩種設計, 一種係一舊膠笠住個筆頭, 要用D力先啜到入去,一係會好實,一係會好鬆, PS290完全入唔到。另一種係兩條U字就咁托住, 如果支筆冇駁條喉扯住, 好易勾一勾就跌。參考有牌子既噴筆架, 係前面筆頭由上扣住, 後面由下托.... 土炮用涼衫掛勾屈左個形o係前面扣住筆頭, 有包膠唔會刮花。依家有喉冇喉都好穩陣, 大細筆都fit。

大佬John · 發表於 2016-9-4 22:51

本帖最後由大佬John 於 2016-9-4 23:01 編輯

呢D半球九成因為開模時用大氣壓噴左厚灰, 因為氣壓大噴唔到入去隙入面, 如圖示, 變左開模之後個球形好似隆胸失敗咁牛屎形。

圖可見磨走後有個圈。手臂、背後兩塊都係咁, 好彩個盾冇呢D問題, 只係有少少texture,

1200砂紙磨前磨後, 上灰後見到之前打算只輕輕刮清邊界, 放大睇都係見到有條線.

再用PS290上1200灰, 有D走漏眼位有D鞋, 同埋執走D塵, texture上唔成問題, 一日噴一日執, 如果唔係會唔記得邊D位有塵同氣泡。

滑既1200灰同之前既粗磨1000灰比較

圖可見,甲與甲之間有條邊凸起, 好似燒焊紋咁

a)一層層甲之間原本唔挑都得, 我又手多走去挑左
b)但因為矽膠模o係呢D隙位唔會好硬好sharp, 挑完噴灰見到有條毛邊翹起(綠三角)
c)剷平

已經剷左

完成後無問題既樣, 無燒焊紋

褲頭後面連住裙甲,說明書話上色前要黐埋, 唔知應唔應該有一條線, 我就當佢夾口咁補左.

搞掂入密實袋

tomj · 發表於 2016-9-6 12:11

強... 有心機
堅靚

kyoleung · 發表於 2016-9-23 21:05

師兄好有心機，厲害，支持！！！

j.w · 發表於 2016-10-2 14:51

支持呀~

大佬John · 發表於 2016-10-7 10:28

本帖最後由大佬John 於 2016-10-7 10:32 編輯

三代黑騎本編中只有一格見到小腿外側, 好細格, 而且係冇呢三塊甲的, WSC版加左同二、五代同款三塊甲, 分模線係開正係最頂折面, 圖2就係明顯執歪左既例子, 圖3係Blackroom, 光油摭鈍晒

好怕支鐵劍掉落地, 一定渣都冇, 拎出拎入要環顧四周好小心, 整完即刻收起, 忍住唔好周不時拎出來撚下。
圖1 用黑色灰色間開來check

黑底, 上SM Super Iron加黑

睇見Wave呢度用好搶眼紫色, 先留意到設定係咁, 不過離遠睇似深灰黑

Wave劍柄

Eva01夜間色, 可能要加黑加灰, 唔好Wave咁搶

劍身都係就咁噴SM Iron, 唔加黑都夠黑。試左隻劍柄紫色(紅格)

試色, 剩係用呢幾樽來溝.

攪左成日, 仲係好多疑惑, 用刀試埋平面, 曲面平面睇到兩隻色差好遠。左邊兩支刀係主色黑同骨架, 睇相冇乜分別對比, 因為紫色唔見晒。今日噴出黎睇一晚諗清楚, 聽日再細調

尋日試到黃昏, 今日一朝早就試,
下面一排係尋日既, 上面一排係今日, 由左至右, 紅色覺得尋日太暗, 同埋驚唔夠, 今日加D Magenta同紅色, 睇相睇唔到分別。
橙色尋日用59橙再減彩度, 但D色溝極都覺得唔勻有D燶feel, 放左一晚之後, 樽底有D瘀色沉住, 撈極都撈唔返上來, 重新溝過, 今次用高達黃做base再加59橙。
黑色加黑少少, 但同時彩度都加D, 就咁睇紅橙黑放埋一齊都幾和諧。關節灰冇乜變。
圖2,3係冇閃橙手機影

最後一check靚仔, 有D極明顯位即場處理左, 小問題就等上全面上色之後覺眼再攪, 因為分分鐘噴噴下炒粉橫掂都要攪, 尤其D隙位會多氣流氣壓整鞋左。ps.封面縮圖都大過實物3-4倍

又係朝早試色, 因為陽光同房燈好大分別, 而灰色特別考起。

之前果張scan圖好大對比度, 拎埋手頭本Knight Flag來對。
支Spoon mask左半吱柄去噴, 睇到有新舊之間分別。
順時針序:
佢隻紅色係勁低彩同好暗, 但心口額頭有多D highlight, o係腦內印象補完下覺得似呢隻紅, 比之前第一次溝既紅再暗同低彩少少。
橙色只加多少少高達黃, 唔識點減彩度, 用平時加灰既做法會變綠。
劍柄紫色不變。
甲底由之前既淺灰加30%啡色, 甲底D線係長方格, 諗住啡色會襯D。
甲主色黑,噴左落去裙甲之後覺得黑卒卒, D detail曲面層次都唔出, 加左D白, 設定書上面既黑色主要係太陽光下既highlight, 用佢腳腕較暗一處做比較, 我溝呢隻黑比佢黑DD, 一眼望落去會話係黑色而唔會講係灰色, 但事實淺色過黑色好多,冇書咁多藍。
骨架關節灰, 加淺好多, 同裝甲主色拉遠DD對比度。硬係覺得灰色有D藍藍綠綠, 加左DD啡落去中和。