《13小時：班加西無名英雄》米高悲的真人真事電影

mike384

話說香港檔期推遲了約一個月, 一上畫就同班wargame友一齊去睇左.
故事係講發生係2012年利比亞的一單襲擊事件, 波及美國駐利比亞大使, CIA同一班PMC(好聽D叫私家軍事顅問, 事實就係一班傭兵, 唔同的係美國請開的一般會係出身於美國特種部隊)
講起米大導, 自然會諗起老變, 黑柴差佬等動作娛樂大片, 可能係由於佢出身廣告, mtv, 佢的電影都帶有一定的視覺特色, 如:
1. 美國旗飄揚
2. 主角向鏡頭前面走時, 後面有大堆爆炸, 當然一定係炸唔到佢啦, 雖然好多傳統大型動作片都有, 但佢d特別顯眼, 同吳宇森的白鴿齊飛有得揮
3. 主角開車門落車時, 一定要由low angle pan上去主角個頭, 當然要加d強勁配樂,
4. 配樂方面, 好喜歡個隻低音震(我唔太熟呢方面, 即係[宏~~~~]個隻), 用黎凝造緊張感
5. 植入式廣告, 一般都會考慮上場合夾唔夾, 但米大導好少理, 佢要加就加

咁今次話哂係以史實為本的(又有原著小說), 其實都收歛了唔少, 但想講下5 : 廣告
(以上多少係關於片中的細節, 未睇者請注意)
其實唔知佢係有心定冇意, 片中出現好幾次2014或2015年後先有的產品, 有D係自己發現的, 有D係網上講的, 而家綜合一下:
1. XBOX 入面有人係打GAME的, 但片中出現的XBOX居然係2014年先出的XBOX ONE...其中一隻GAME係我都有的COD ADVANCE WARFARE(我係X360版)
2. 車, 係片中入面大顯其防禦能力的BENZ SUV, 據IMDB講都係當時未出的產品...(我本身唔熟車, 但同行朋友都係車迷, 其中一位正正係BENZ車主, 所以睇完戲後不停吹)
3. 槍, 其中一名主要角色用的係SALIENT ARMS的GRY(屬於一種優化的M4), 由於呢支槍的造型相當特別, 係2015年先面世的...

可能有人話我吹毛求疵啦, 但作為一個槍迷, 希望呢類以真事為背景的電影, 至於可以係武器, 裝備方面做得更好.

整套戲唔難睇, 但槍戰方面導演用了較特別的表現方法(睇落去似VIDEO CAM拍的效果),熟悉拍攝的人如果睇左, 還請賜教.