《沽注一擲》: 論盡金融末日眾生相

Hugo Fok

睇完 <The Big Short> 的第一個感覺是 : 能將"次按"的一段金融臭史以深入淺出、具喜感的手法作敘事，即使不諳金融的小弟在觀影過程中都有所領悟 (即使理解程度得 40%) 。

雖然講經濟的電影一向不是本人杯茶，但眼見 <The Big Short> 猛人雲集，又有星級戲骨陣容: Christian Bale，Steve Carell ，男神 Brad Pitt 以及 Ryan Gosling 等幾位星中之星，夾到時間睇優先場都係無藉口唔入場睇下。

講真，我其實十分喜歡導演 Adam Mckay 的作品，其中 <搶閘男主播> 更是我少數會經常返睇的喜劇作品。據知<蟻俠>原意是搵 Adam Mckay 執導，但最終退居到編劇角色。小編最初都抱著 "會否是喜劇" 的疑問進場，但進場後的感覺是... 劇情很緊湊的金融類型電影。

之前聽版主講過，對 <魔球>、<守護有心人> 有共鳴的電影發燒友應該都會對此片另眼相看。不過，以我進場後所得，此片的故事雖與 <魔球>、<守護有心人>一樣，同樣出自作者 Michael Lewis 筆下的同名小說，但 Adam Mckay 的敘事方式比 <魔球>、<守護有心人> 兩部 "傳記式" 作品來的風趣，不失過去拍慣鬧劇的喜劇功架。

我比較欣賞的是  Adam Mckay 可以將金融界的醜態以喜劇手法包裝，將"平鋪直敘"的故事變成一本生動的歷史書，人物亦有血有肉。(隨然我未睇過此片的原著，但眼見 Michael Lewis 過去的改編作品都平鋪直敘，所以進場時都有 D 十五十六)。

總括而言，過去我一向認為 "金融主題電影" = 悶片，但本片在敘事手法上刻意與觀眾作多次＂互動＂，跳出了過去真實事件改編電影觀眾只是旁觀者的定律，算是為早以乏味的劇情片類製造出多少驚喜，即使我這類對金融電影一向不太感興趣的人也有多少入碟重溫多次的意欲呢。

建議入場指數：７／１０ (金融界人士必睇，很多笑點是專為＂你們＂而設)

小瑟

最後睇埋你結論, 都覺得套戲真係可以睇下喎~

粗人敵卡

諗緊好唔好去睇

alleelarry

樓主當日睇既優先場，有無留意到有位係同一位嘉賓一齊睇呢？



創富坊 陳慧儀