日本即將下調免稅門檻! 買夠5,001日圓即可退稅 (轉載)

245141525

轉載自聯盟網站 unwire.hk



由於日本的消費稅高達 8%，所以去到當地購物進行退稅自必然會成為指定動作。而早於去年 12 月 16 日，日本政府就曾經提過將會下調退稅的門檻，雖然當時並未有談及當中的細節，但近日國土交通省觀光廳就終於公佈了實際的推行日期，而且就連各項改動亦一併公開。



現時當旅客去到日本購買消耗品（如化妝品及藥物等）及非消耗品（如衫褲鞋襪及家電等）時，必須分別買夠 5,001 及 10,001 日圓才可進行退稅；不過當 2016 年 5 月 1 日新措施實行後，屆時不論消耗品及非消耗品只需買夠 5,001 日圓便可退稅了，如此一來無疑會方便得多。



除下調了退稅所需金額的門檻外，有關方面更同時容許地方組織自行組成中央退稅系統，比如當旅客在不同的商店內購物時，只要這些商店同處於指定的商店街、購物中心或 outlet 內，如今各間店舖的消費額合併起來湊夠 5,001 日圓亦一樣可以退稅，不再局限於只能在單一店舖內。最後，如旅客想將免稅品寄到海外時，之後亦無需再填寫購買紀錄單，只需要出示個人護照即可辦理。

agic

出盡吸客方法，三百都吾放過，高⋯⋯定飢不擇食?

小瑟

話時話, 我去咁多次旅行其實都唔識點樣攪退稅的!!!

SonSon

小瑟 發表於 2016-1-17 16:13
話時話, 我去咁多次旅行其實都唔識點樣攪退稅的!!!

咁之前又唔係間間都有得退稅, 但有得退稅既都好易搞, 最難係排隊啫

阿定

小瑟 發表於 2016-1-17 16:13
話時話, 我去咁多次旅行其實都唔識點樣攪退稅的!!!

個個國家唔同玩法，日本算係最簡單！基本就係兩個玩法

即場退，鋪頭有自己的免稅counter,一般免手續費，直接比稅前的錢！

集合退，係指定地方，例如商場，商店街，買野時照比稅後價錢，之後儲埋所有單去指定退稅counter集中處理，一般會收小小收續費，然後比番現金你，有d似香港大型商場搞活動送禮物咁！
(Post76 Android 手機版送出)