《愛的成人式》小小改動足夠變成好戲

Hon

電影簡介：
我們的故事 請你一定要「看到最後」…… 大學生鈴木在聯誼會上認識牙醫助手小繭 (前田敦子飾)，並對她一見鍾情，小繭自然不做作、開朗又可愛，是很多男性心目中的理想對象，而小繭竟然也對沒談過戀愛的鈴木有好感，兩人開始交往。鈴木為了小繭改變造型、考駕照、買新車、減肥……一步步成為小繭心目中的好男人。這一刻，他覺得自己和小繭的愛可以直到地老天荒，他願意為了小繭做任何事。一向是肥醜宅男的鈴木，竟會得到女神的垂青，自此，鈴木的人生發生了180度的轉變，有如將人生的卡式帶翻到B面重新開始…… 受到上司賞識，鈴木被調派往東京工作，獨留小繭在靜岡，兩人展開了遠距離戀愛，由最初的甜蜜溫馨，漸漸不敵距離而惡化，新公司的美女同事美彌子 (木村文乃 飾) 又積極向鈴木表示好感，令鈴木在這段感情中進退兩難。 愛的成人式 ─ 「初戀」只是我們成為成年人的儀式，第一段的關係，你認為你已經找到你的唯一並完全投入，但過後才發現，凡事沒有絕對。從這認知中，你成長了。

今朝睇早場， 入場人數唔多係合埋既， 因為大路片至會多人睇已經變得習以為常， 小品 … 或者叫小眾電影自然會被冷落， 好彩仲有戲院安排上畫， 就算自已唔係對呢類戲有大愛， 但起碼認識到新野總比沒有好既

故事好簡單， 我敢話同tvb劇集差無幾 … 相信一定有人會話 … 咁仲睇黎做咩？
如果咁諗既話你就錯啦， 除非你睇慣日劇， 否則我咁講只可以話係對日本制作既特色， tvb點改或者點變或者點跟都唔會做到， 又或者呢樣就係香港特色掛

呢套戲一定唔會討論結局或者過程， 因為有趣地方就係呢度， 海報中講左重點出黎， 但唔代表唔駛睇， 因為無精彩既過程， 係唔會有突如期來結局

咁仲有咩好講呢？ 其實我好想講下佢地既剪接同故事排序， 近年電影故事上隨住時代的而且確係改變左好多， 但慢慢又變返千遍一律既方法， 好彩仲有剪接令到故事加添一份特別， 以呢套戲黎講， 靚仔靚女特別角色只係一貫做法， 但整個經過配剪接變成另一類既電影， 互相配合下變成一個唔特別但好特出既結局， 大家除左會忽略左中間既變化， 更加會簡單咁順睇落去， 又或者咁講， 佢响不自覺中加入左推理元素， 唔需要明示， 想得出呢種內裏意思的確幾得意

另外， 背景以八十年代為主題， 加上導演都幾鐘意呢個代既產品， 所以故事最後會介紹返入面既種種俾新一代年輕人認識， 都算幾貼心， 其中一款我最有印象， 因為依家部份所謂追上潮流既男女都會使用， 佢就係 ………

大家可以諗下， 當年多數係老闆， 有錢人， 或者同依家一樣係潮流既象徵， 諗落依家d人用返都幾有趣

呢套戲我會俾8 /10分， 因為我睇左小小已經估到內容， 好彩變化上比我黎得突然同有驚喜
。
。
。

多謝大家欣賞
(Post76 Android 手機版送出)

vinsckan

我自己都超喜歡呢部好獨特愛情片,好有創意, 用一種新既拍攝手法表達電影主題, 觀眾也需要用腦去思想, 當中真係很有趣味, 自成一格電影, 絕對係一部好戲, (香港很難會拍到這類電影,因為缺乏創新思維及勇氣)

Hon

vinsckan 發表於 2015-12-12 13:16
我自己都超喜歡呢部好獨特愛情片,好有創意, 用一種新既拍攝手法表達電影主題, 觀眾也需要用腦去思想, 當中 ...

香港唔係唔得既, 爭在家陣D老闆唔會去博, 你睇戲院成堆都係大路戲就知點解LA.

尤且觀眾都要負責任既, 大家唔去支持, 就算肯俾錢一試, 但都無人去試下欣賞, 咁又真係難成事既.

alleelarry

如果……，直接等到最後「五分鐘」先入場咪「超正」！

Hon

alleelarry 發表於 2015-12-13 10:12
如果……，直接等到最後「五分鐘」先入場咪「超正」！

咁又唔得WOR, 一定要知個過程先會明白到嗰5分鐘所為何事....

alleelarry

Hon 發表於 2015-12-13 13:45
咁又唔得WOR, 一定要知個過程先會明白到嗰5分鐘所為何事....

反過來想，睇左最尾個五分鐘，再等出碟睇番前面，可能都有效果，呢D叫做「觀眾剪切版」

Hon

alleelarry 發表於 2015-12-13 22:38
反過來想，睇左最尾個五分鐘，再等出碟睇番前面，可能都有效果，呢D叫做「觀眾剪切版」  ...

都得既.

不過其實只係唔好諗男人至可以咁做, 其實女人都得, 咁就唔駛睇多次...HAHA

alleelarry

Hon 發表於 2015-12-13 22:40
都得既.

不過其實只係唔好諗男人至可以咁做, 其實女人都得, 咁就唔駛睇多次...HAHA ...

有趣！有趣！