[少量劇透] 《陀地驅魔人》︰喜出望外之作

粗人敵卡

上次張家輝處女作《盂蘭神功》口碑比較差，但今次他依舊涉獵靈異題材，拍了一個驅魔人的故事。沒有刻意的營造驚嚇場面，主力向觀眾講故事，反而拍出不錯的效果。

張家輝戲中角色定位尤如《賭俠1999》的劉德華，而張繼聰則是張家輝以前飾演的化骨龍，張繼聰演出相當過癮，與張家輝做對手戲毫不失禮，而張家輝演出保持水準，神色凝重，有著沉痛的過去。錢嘉樂飾演的四川能讓大師，表現突出，被鬼上身時同張家輝對打場面相當可觀，余文樂與釋彥能於九龍城寨爆粗成了電影最過癮的一場戲。林嘉欣客串飾演張家輝的母親，戲份雖少但卻交待了張家輝角色背景，後段鬼域演出相當心寒。最可惜係張學友，剪到得番一鏡…

故事氣氛營造帶點詭異，卻因風趣對白緩和了電影陰沉風格，電影中最欣賞係張家輝於浴池用炮杖趕鬼一幕，「黑仔」手下吞手小弟意想不到。比較不滿係釋彥能最後下場比較反高潮，還以為會再與張家輝大鬥法，結尾張家輝與戲中女鬼渡過最後一天應該與張家輝最後大戰換了次序，拍得沒有想像中煽動人心…

總括而言，張家輝第二套導演作品是水準之作，希望下次張家輝可以試試新題材。

粗人敵卡

如果有得拍下集
會唔會講吓張家輝個老豆
希望套戲賺啦

jason1969

Good report

mike384

尋晚得閒, 於是就想睇場戲, 剛剛附近戲院的戲碼有呢套同[超能勁處男], 本來都偏向後者笑下算, 但呢排朋友中呢套陀地的口碑都唔錯, 於是揀了支持陀地製作.
老實講自己唔太喜歡睇鬼片的, 主要係嫌太公式化, 所以如果聽到有D新意的鬼片, 都仍然會入場睇, 但好少, 而香港鬼片,好多從世界觀到劇情都有D不倫不類,  所以麻麻地.
如果講鍾意的港產鬼片, 年前的發哥的一套鬼新娘, 都算係記憶猶新, 西片到而家都係OMEN, SIXTH SENSE啦.
講返呢套, 好好睇又未算, 但整體收貨, 畀6分, 扣分位係D劇情都好薄弱下, 後尾又拖又悶. 特技, 香港黎講算咁, 唔想太刻薄啦, 重有一樣唔多順耳的, 就係D粗口, 其實講唔講都得姐...覺得冇必要.

粗人敵卡

mike384 發表於 2015-11-30 11:53
尋晚得閒, 於是就想睇場戲, 剛剛附近戲院的戲碼有呢套同[超能勁處男], 本來都偏向後者笑下算, 但呢排朋友中 ...

後尾真係…當愛情片嫌唔夠浪漫