轉載：世界首間唱片博物館 銅鑼灣耀華街39號

takeishi

其實我都真係完全唔明佢點解可以生存到呢家. 呢間野都算勁啦.
佢既曆史大慨要追溯到30年前. 話說當年.....30年前左右啦 (80年代).
佢晌灣仔128商場 (呢家既大快活) 當年128即係好似呢家東方188商埸咁,
果陣128好多唱片鋪架, 搖擺朗都係晌呢度開鋪賣碟架. 全盛時期果度都算係唱片集中地.
佢當年就晌二樓巷尾開鋪賣外國版進口碟架. 果陣佢入好多英美版既黑膠同周邊商品.
價錢唔算太貴亦唔係平果隻. 生意亦都唔錯. 佢既碟種亦都好多元代. 好受歡迎下架.
我都幫親過佢買過唔小碟架.

其後大約去到90年代左右. 128商埸就開始轉營啦, 好多鋪頭都先後搬遷或結業.
果時佢同埋搖擺朗就一齊搬左去後面條街. 後小小既"英皇"中心地庫. 果陣英皇中心時候既 SAM RECORD
起初都重有賣新碟或外國版, 後來就開始炒碟啦. 又無新貨, 舊野又越炒越貴, 越貴就越無人敢入去睇.
果陣後期都唔覺佢有生意架. 不過. 再幾年之後. 又估佢唔到和. 佢搬左去銅鑼最貴既地段. 時代廣場.
去到時代廣場呢個時候. 佢已經變成為一間專做非一般人可負擔既天價既高級唱片鋪.  高級既價格.
面又再後期啦. 佢直頭搬左去中環既 IFC 度,  純粹只係做許士仁呢類級數既客仔.
再到呢家. 佢簡直就係將自已推向神級段無人能及既境界......唔再係唱片鋪. 而係博物館.

  佢服務既對象. 好明顯唔會係我地呢D普羅大眾. 問心一句. 我又真係唔覺得佢可以稱得上世界級既境界.
所以. 我既結論就係. 可以當無事發生. 大家繼續去搵碟. 呢件事絕對可以忘記左佢架啦.

flyingpig1355

takeishi 發表於 2015-10-16 10:58
其實我都真係完全唔明佢點解可以生存到呢家. 呢間野都算勁啦. 佢既曆史大慨要追溯到30年前.
話說 ...

對，他經常吹噓自己的碟有幾勁!但碟卻是一般信和質素。在IFC買過萬的CD,但信和衹是賣兩三千。唔嚇死都笑死

kl122002

flyingpig1355 發表於 2015-10-17 09:13
對，他經常吹噓自己的碟有幾勁!但碟卻是一般信和質素。在IFC買過萬的CD,但信和衹是賣兩三千。唔嚇死都笑 ...

有錢人的心態係覺得自已俾得賣貴一個數字來滿足自己.
去club 食一個魚旦粉7-80蚊, 事實入面的料同出面20-30蚊的一樣

ultramanzoffy

係咪曾幾何時在SOGO頂樓,入了一些日本版CD便說是天碟再賣天價那間?

twinggy

ultramanzoffy 發表於 2015-10-17 18:08
係咪曾幾何時在SOGO頂樓,入了一些日本版CD便說是天碟再賣天價那間?

正是！

leonspacey

kl122002

睇完遍文, 笑到我傻左.邊個話日本係最先的頭版?  又咩理由是日本版最好?
不過又鬼叫佢食到果D唔知頭唔知路的有錢佬

takeishi

kl122002 發表於 2015-10-18 14:34
睇完遍文, 笑到我傻左.邊個話日本係最先的頭版?  又咩理由是日本版最好?
不過又鬼叫佢食到果D唔知 ...

  其實無他既. 佢吹噓到咁目的都只係為左搵水魚之嗎.  
唉~呢個香港地有幾多個許生呢D客仔呀. 何況. 許生都晌入面坐緊啦.