ToneMax Vimi...

junius

上個星期五終於都去左馬SIR到入左部分ToneMax黎玩下，事源都係因為近排係房到玩緊CAS，但係銀根又有限既情況下四出揾下有咩平靚正AMP啦，因為DAC我就暫時用RASPBERRY PI加HIFI Berry頂住先，等遲下有錢先再諗下。。。。

一路睇部部都四五千蚊，仲要幾大部。。放係房自己都覺得誇左D。。。TB上面個D又唔知邊隻好！ 爬下爬下文就見到呢隻TONEMAX VIMI, 二話不就緊係whatsapp下馬SIR約個時間聽聽，聽左都唔夠十五分鐘，科水！

點解？因為唔聽又至可，一聽同我岩岩試聽既Micromega MyAmp,真係叮噹碼頭～但係人地要成四千幾，但係你話人地多好多function wor...但係我放房都係駁一隻MPD，頂多拉多條RCA轉3.5咩都夠啦！留番個錢買下線好過～況似聲底都好似，我覺得真係好超值～

暫時係房既所有配件都好新，未有一個中肯D既評價，但係以現時既聽感都係中音舒服，小小厚，有暖意，分析力我就覺得一般，低音都夠，不過唔係打心口！因為我都係鐘意聽人聲，中高音，低音麻麻地，所以都好岩口味～不過大棚野就差小小。。。 但係呢個價錢再配我呢D小喇媽，算交到功課的了。。。

我個配套係Dali Zensor 1！

所以暫時覺得係平靚正之選～