本帖最後由 mike384 於 2015-10-2 13:57 編輯
其實影一般風景之類, 用咩機都差唔多, 靚唔靚係睇你點影, 而點影, 黎黎去去都係d basic知識+經驗, 心態會比器材, 甚至技術都重要, 我個人心態係ENJOY, 當然有D人唔係, 睇你要求啦, 如果影相係為攞去買的話就唔可以咁心態LOR.
我初初入門時, 都係用NIKON的D60, 講市場定位, 性能的級數同而家的D3200都好接近, 當然科技進步, 畫質同對焦, D3200要比D60強啦.
不過NIKON入門機, 即係3XXX, 5XXX呢D都有個共通的特點, 就係用唔到機身引閃, 即係你買高檔少少的閃燈想玩飛燈時, 就唔可以只靠機身去做, 而係要依靠其他REMOTE器材了, 如果冇特別想玩飛燈的話, 又冇乜問題, 當然市面亦有另買的REMOTE器材, 所以又唔算係咩大問題啦, 但唔支持高速同步(因為一般用閃燈, 對快門速度有限制, 一般最快都係1/200秒到1/250秒左右, 要再快的快門時, 就只有用高級少少的機身加閃燈先得(只限於NIKON, 其他牌子我唔熟)
而去到D3200, 解像度同ISO都唔錯了, 我覺得都可以放到好大, A4都應該冇問題, 再大就唔包, 始終我冇試過.
我第二部叫NIKON D90, 高檔過D60少少, 對焦方面有進步, 同埋支持了機身的飛燈, 方便好多.
但因為一D設計上問題, D90的色水麻麻地, 我一般都要TUNE一TUNE先滿意, 肯放上網畀人睇.
幾年後, 第三部了, 仍然係NIKON, 叫D600, 呢部真係好好, 係所謂的FF機, 即係粒CMOS大粒D咁啦, 但都有問題, 就係內部會有油/塵甩落, 影響畫像, 係佢推出一年幾後NIKON肯畀用家無償換新機D610, 我就遲了少少先換, 部D610就一直用到而家啦.
我認為啦, 平平地可以先入部D3200, 真係覺得好鍾意影相, 又對CMOS大細有要求時, 先買部FF玩都唔係唔得, 硬件一步到位時, 好多時心態未READY, 又嫌重又嫌盛時, 好多人都會半途而廢, 或者會轉玩無反, 即係SONY的什麼NEX呀(CMOS大細同NIKON的DX一樣), A7呀(FF機)呢D.
其實CANON都有好多選擇, 點解會諗NIKON呢? 部部相機都有其特性, 把握好就得, 我自己都間唔中借朋友的玩, 覺得CANON都好架, 不過唔想換過哂D鏡頭咁姐.
講返題材, 影人我其實唔在行, 興趣亦一般, 最鍾意係影自然生態, 行下山影下相咁. |
發表於 2015-9-29 17:48
樓主
