喚醒各人 留心身邊家人需要的電影《見習冇限耆》

lamwaikit007

今天去了看 <<見習冇限耆>>。

初時以為又是另一套 類似 "Internship" 的電影。

怎料，原來 睇落 呢套戲 是反映了 家庭需要 和 工作上需要互相尊重。

這套電影反映到 其實社會上有好多老人家 雖然過了退休之年齡，但有部份仍然有工作能力，什至比年青一輩更能體恤他人。而他們在工作上的經驗，更能幫到公司運作。

片中有一幕，令我都幾蓋嘆。電影中 說到 雖然已經夠鐘下班，羅拔迪尼路 仍未肯走，皆因其上司都未收工，這樣的話，若果上司有什麼需要都可以即刻提供協助。奈何在現實中，有些上司見到此情況，便搏晒老命 take advantage 般，壓榨此類好員工。另一方面，則有好些員工 慌死蝕底般 一夠鐘即走。唉!

另一方面，電影中亦都提醒到我們 在工作 及 家庭 上 應該作出 平衡，不要側重一面，否則有機會出現 顧此失彼 的情況。

電影中，其實都有一樣野，在中國人社會中，可能冇咁易被接納。就是老了後，伴侶離世了，如果搵一個新伴侶，傳統社會好像冇咁易接受。但在外國社會中，仿佛較易 和平常。

片中，除了 兩位主角外，最令我驚訝 的是 連 Rene Russo 也做埋老角了。查番資料，她原來已達 61歲了，我可能仍然懷念著她當年 轟天炮第三集的演出。

戲中場景簡單，但就符合番套戲，因為根本不需要。

戲中的配角都做得幾好。

總結，我會俾 85分。一定要看 兼 會買 藍光。

bellyjerry

呢套好嘢,故事有趣,好笑又有意思,男女主角都做得好出色,輕輕鬆鬆兩個鐘,值得入場支持呀

andytam

阿定

戲入面提供左好多野比大家反思，工作緊要，定家庭緊要，

外國公司同香港公司比，分別最大的地方係，公司老闆熱愛工作，做到唔識收工，但你會見到其它員工都一樣夠鐘就走，唔似香港咁，大家鬥夜，當然有d工種係需要較長時間工作，例如個人助理、司機等，呢d係special case！片中主角願意留底陪老細，除左佢責任感外，其實亦講出，老人家再就業對公司的好處，就係無太大負擔，可以OT 唔駛陪家人，當然，唔係個個老人家都無家人就是！

家有一老如有一寶，其實公司都係，當然，老Seafood就另一回事，公司有個Old Man，真係可以幫到好多工作以外的野，片中就有唔少年青人，遇上生活小問題都求教Old Man的例子，而且人老左，真係識睇眉頭眼額得多，所以一間公司，如非必要裁員，留番老員工係度，絕對有優勢！

Hon

一於聽日入場睇下先
(Post76 Android 手機版送出)

mike384

我都睇左, 比internship好好多, 第一羅拔迪尼路同owen wilson根本冇可比性~一個成熟自然, 一個假到出汁xd(羅拔好似佢咁後生時已經好好戲啦)
女角同女配角亦係.
故仔上, internship直頭係google廣告....呢套雖然都係好行貨的故仔, 但拍得舒服好多, 其他角色都較吸引.

lkljason

近期一套覺得非常好睇既電影，o係而家翻炒片當道既時期，忽然有套小品得黎又覺得好好睇既戲真係超難得！
故事簡簡單單都可以拍出戲味！
出Bluray時必收重溫多次！