部MTV3000突然熄咗.....

jt24

噚晚睇睇吓鏗鏘集，部MTV3000突然無端端無訊號，開頭以為又係D接收訊號唔到唧！但係睇吓部機發現個面板出現好暗嘅“MAGIC TV”字仲閃閃吓，點搞都冇嘢睇，真大鑊，仲啱啱過咗保用期兩個月添！而且又要拎去鬼死咁遠嘅科學園整，真係煩！跟住上網睇吓有冇網友有同類事件啦！畀我搵到一位網友又係壞咗機，打去Magic TV問話係個火牛壞咗，叫佢返去科學園配過個，要150蚊，嘩.......嗰個爛鬼火牛要150蚊，唔係化，於是嗱嗱聲喺屋企摷個類似火牛試吓係唔係火牛出事，點知一試原來真係，好彩唧！唔係今日又要長途跋涉走去科學園囉！仲要畀佢擋一嘢添喎！個火牛真係雞，一年就玩完，唉..........

七彩小生

無計, 我都燒過一次牛, 仲係第一日用一plug 即燒.  一年前既事了.

但有時撞手神, 一年多都無事. 聽人講話, 輸出唔夠，如果成日用無外置牛的硬碟，隻牛會燒！

jt24

無計, 我都燒過一次牛, 仲係第一日用一plug 即燒.  一年前既事了.

但有時撞手神, 一年多都無事. 聽人講話, 輸出唔夠，如果成日用無外置牛的硬碟，隻牛會燒！ ...
七彩小生 發表於 2009-10-19 09:13

我個外置硬碟係有牛o架！

depeche_lam

知道換咗隻牛就得就好啦..通常跟機啲野都好極有限

jt24

部機壞咗嗰陣迫住睇普通嘅接收訊號節目，真係好難頂，好似寒冬襲港咁，雪花紛飛，睇過高清之後，真係返唔倒轉頭囉！

kingleecm

我果部都係1年到期前入廠

tuner 塊線路版燒咗

timka

佢部機都幾stable,係隻牛雞d, 我個friend都係過左保養期無耐就死牛,
不過佢費時山長水遠走去整,叫左mtv上門check機同換牛,上門好似先收2舊~
不過check機人工就免費

jt24

因為隻牛係大amp數，唔係度度有得賣，啱啱喺屋企附近商場問過D牛，有間賣一隻有多種插頭嘅，要成三百蚊，好貴！都係等得閒去開鴨記至買，應該會平D，暫時用住屋企嗰隻頂住檔先。