《復仇者聯盟2：奧創紀元》AVENGERS: AGE OF ULTRON

freestylemen · 發表於 2015-4-26 18:56

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 alleelarry 於 2015-4-28 14:02 編輯

首先講個大概感覺，希望可以俾小小意見未入場的朋友
睇完之後我都感覺十分矛盾，話好睇唔算得上，話唔好睇亦唔係，大概是因為故事唔係咁理想，打鬥場面算精彩，感覺唔算浪費左二個鐘多D，但一定唔會係賺左囉，不過一定要講講3D又係坤水的，往下看要注意有戲透
。
。
。
。
。
。
。
之後想講講戲情，感覺十分鬆散，大概因為無左主軸無左主導角色，舉例上集起碼有個局長，目的是組隊，由頭到尾都十分鮮明，帶住講故事。今集變茄，夾硬出來真係唔出好過
無左重心角色壓住套戲，說故事就變成東講D西講D無理啦更，明白佢想表達D咩意思，不過好明顯唔太做到個效果，條橋其實爛爛地，鐵人3又係同調子，來到復仇者又來一遍？
好多人提及的HULK BLACK WIDOW講真真係太突然，事前全無先兆，唔投入加毛管凍，無野攪之下搵野黎攪
呢個系列隨著越來越多角色加入，開始失控，反而認為清蜓點水加入某些角色客串形式好過，例如WARMACHINE，出下鏡又可表示大堆頭話晒都叫聯盟無理由小貓三四集吧，但今集想用返上集的模式，個個角色都有一定出鏡份量，咁就出事，上面提及無左主軸角色，呢個講下果個講下就變成成盤散沙，有些角色好明顯夾硬搵野黎講，例如HULK的感情戲同THOR唔知想講乜，話佢想留伏線又唔太明顯，無理頭走左去話要查下，唔知做乜落個池（雖然有講下，但都覺得無厘頭）轉頭又返黎⋯⋯隊長果段直頭好似多餘，新角色是搶鏡的，因為始線係新，又唔再深入講多D，真係寧願用佢黎出發，重心帶出呢個故事。求求其無厘頭又走去見奧創，三言兩意又埋人地堆，真係太輕描淡寫

故事己經無乜好講，講下戰鬥場面，果幾場係精彩，預告片都俾晒你睇，例如隊長加THOR的組合技，HULK對44。但奧創真係十分可憐，一直唔夠打之餘最後仲要用埋人地的戰鬥機，睇到呆左，心裹大叫一聲唔係麻，跌左落地拿返咋沙？一向都係唔夠打先幾條友一齊同心攪掂個大佬，但今次好明顯奧創渣到死，一黎都要三條友一齊射佢就牽強左少少了，45的由來唔夠震撼又係無無謂謂咁周圍托

公式化係有佢道理，先講成班俾人打到爬街，再來一發逆轉先大快人心睇到熱血沸騰，第一集就係呢個模式，但今次由頭玩晒，其實又唔需要咁多人，所以感覺係到睇緊好華麗的表演或MTV，唔知大家有無同感呢？

粗人敵卡 · 發表於 2015-4-26 19:30

打鬥場面真係麻麻地
奧創實力無小弟想像中咁勁

alleelarry · 發表於 2015-4-26 21:35

最多影評帖的一套電話！

為了觀賞效果美觀，請在官方電影名稱加上《》，例：《復仇者聯盟2》。

jayjay · 發表於 2015-4-26 21:52

alleelarry 發表於 2015-4-26 21:35
最多影評帖的一套電話！

為了觀賞效果美觀，請在官方電影名稱加上《》，例：《復仇者聯盟2》。 ...

仲爭版主你未寫咋！期待！！

alleelarry · 發表於 2015-4-26 22:00

jayjay 發表於 2015-4-26 21:52
仲爭版主你未寫咋！期待！！

版主刻意留多點機會，讓大家多寫一點啊！

如果有留意的話，版主要說的已經分佈係不同的影評帖了！

HenryYuan · 發表於 2015-4-29 11:06

本帖最後由 HenryYuan 於 2015-4-29 11:34 編輯

呢套戲劇情亂七八糟, 犯駁位多到數吾到,例如d死光勁到可以打爆架飛船, 但係打落個韓妹就只係擦損吓?? 吾知係咪玩全球化, d晝面一時起美國, 一時起韓国, 一時歐州吾知邊度, 真係無言!! 最後梗係大美國主義贏晒.................

IMAX 3D晝面立体感好一般,但尚算流暢, (比起" 五軍之戰 " IMAX HFR 3D 就輸10萬8千哩), 我念呢套戲起一般戲院睇3D效果会好差!
音效 IMAX 聲係快速號角聲, 超大動態, 炸到飛起, 雖然套戲吾多好睇, 但都会睇多次 ATMOS 版

結論: 都係要睇, 但無乜褀望

Cogor · 發表於 2015-5-1 23:55

HenryYuan 發表於 2015-4-29 11:06
呢套戲劇情亂七八糟, 犯駁位多到數吾到,例如d死光勁到可以打爆架飛船, 但係打落個韓妹就只係擦損吓?? 吾知 ...

全景聲包圍感唔強烈
置頂聲道冇乜出過聲囉
普通3D 好垃圾
唔知IMAX 3D 畫面如何呢，音效如何呢？
望師兄詳述

(Post76 Android 手機版送出)

HenryYuan · 發表於 2015-5-5 16:15

本帖最後由 HenryYuan 於 2015-5-5 16:30 編輯

Cogor 發表於 2015-5-1 23:55
全景聲包圍感唔強烈
置頂聲道冇乜出過聲囉
普通3D 好垃圾

我都好想 feel 吓 ATMOS 聲效, 於是去睇多次 ATMOS 2D,

IMAX 聲底係: 聲效高速度, 快收快放, 動態超強, 金屬聲尖快, 爆玻璃清晰伶俐, 爆炸聲好大衝擊力, 可惜包圍感一般, 無晒左右兩側聲, 頭頂更加無料到, 聲效走動吾明顯

ATMOS 聲底係: 全頻相對平均, 真實, 自然, 感覺聲音速度無咁快但不影响超強動態, 比IMAX 更有心有力, 下盤更穩, 潛得更低, 去到皮膚果浸, 人聲對白清清楚楚, 多人講野時吾只左中右分明, 仲有前有後, 至於聲效移動, 前後左右到頭頂, 方向, 包圍, 更加係置身現場一樣, 係差在未有地面出聲...

雖然聲效 ATMOS 贏晒, 但睇戲我都係首選 IMAX, 尤其係HFR 3D版, 畫面震撼力強好多, 起 IMAX 睇過3D, 睇返一般比例時, 真係無咁過癮

mdo · 發表於 2015-5-5 22:48

同意師兄意見，先唔講犯駁位，整體結構比較鬆散，大部分電影都走唔出起承轉合四part,個人覺得avengers1呢四part做得自然同出色，今集亦走唔出呢四part,但相對嚟講做得較散同唔自然，即是推力不足，上集Loki角色有帶動整套戲嘅作用，但今集就冇咗呢個帶動嘅角色。上星期睇咗第二次，感覺上比第一次好咗，因睇第一次時不斷有whatsapp嚟，好多details都miss咗