BJORK ~ VULNICURA 新專輯也不如舊 POST

takeishi · 發表於 2015-4-2 09:50

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 takeishi 於 2015-4-2 17:34 編輯

BJORK VULNICURA STANDARD
今期3月好多猛人出新碟. MADONNA啦. KYLIE啦. BJORK啦.
個個都出新野. 好啦. BJORK 我就最唔願意買既. 不過點都要支持點都要買黎聽下既.
明知中伏幾會大架啦. 點知....................

今次佢隻碟呢. 無賣大包. 9隻歌. Standard版跟 Deluxe版都係9隻歌.
講真. 真係幾無謂 Deluxe版你就應該俾多隻歌入去啦. 只係package唔同. 完全無意思.
既唔環保. 亦無任何吸引力. 晒氣.

DELUXE EDITION DIGIPAK CD

1.Stonemilker
2. Lionsong
3. History of Touches
4. Black Lake
5. Family
6. Notget
7. Atom Dance feat. Antony Hegarty
8. Mouth Mantra
9. Quicksand

言歸正傳~買碟都係為左聽歌. 包裝其實都係其次.
今次隻碟. 唔識形容.一個字"悶", 只怪我膚淺, 唔識欣賞. 太高深啦.
聽完無隻歌記得架. 悶到呢. 幾乎訓著覺. 隻隻歌都係同一樣唱腔.
無高底激昂, 無感情. 總之. 除左一聽就知係bjork把聲之外. 其餘既.
無特別. 好沉悶既電子音樂. 節奏千篇一律, 可能有d人覺得好另類. 好特別.
但係. 我真係唔識欣賞. 有人話BJORK就是音樂. 但我聽完隻新碟之後.
只係覺得. BJORK就是悶.

算啦~我都係投降啦, 不如拎番以前同而家既野黎作比較.
佢第一隻專題 DEBUT 的確真係精彩到無話可說. 其後幾隻碟都係水準之作.
只係. 呢家新碟真係不如舊作.

呢隻 12" 日本版 ~ 係我最愛既收藏之一. 12"吋封面內裡卻是CD而不是黑膠.
好特別的包裝. 真係只係日本仔先至諗到架昨.

好懷念以前隻碟. 既然不作我咁唔鍾意. 不如欣賞留佢舊野好過啦.
懷念下以前睇佢既 BJORK - 1996 World Tour Itinerary , 其實講真. 果次睇佢TOUR
我都覺得幾悶下架. 不過D歌好聽, 如果你想睇一場載歌載舞既演唱會既. 咁你就唔好睇Bjork啦.
去睇madonna或者kylie mingoue啦. Bjork 就絕對唔係呢種架啦. 睇佢演唱會. 絕對只係可以
欣賞佢既獨特個性. 沒有華麗的舞台. 只有的是Bjork的迷幻世界.