《解碼遊戲》優先場觀後感(有d劇透)

shing-2009

前言
最近需要應付考試會比較忙碌，睇戲這個興趣還是不變的，最近睇左《頭條殺機》嘅優先場，同埋24號連續睇左兩部戲，分別係《美國狙擊手》同埋《解碼遊戲》，由於前者有人寫左影評，我決定今次同大家分享後者，雖然呢一套戲未正式上映，但係希望大家睇完呢篇文章，能夠增加大家對呢部戲嘅興趣，同埋俾d意見小弟，萬分感激！

正文
首先，雖然係一部劇情片，仲要係講關於二次世界大戰，可能因為呢個原因，大家無興趣睇，不過我可以話比大家知，劇情引人入勝，同埋好多笑位，絕對唔會令到大家覺得悶，最重要既係，故事交代左第一部電腦的誕生，可能大家唔知道，好多現今科技，都係打仗的時候所研發的，將軍事科技平民化，我諗，呢一個係戰爭唯一既正面影響，

好啦，入正題，故事講述數學家Alan Turing幫英國政府係二戰期間「打勝仗」的經過，Alan Turing同一班人負責破解敵方一部超勁既解碼裝置—叫做「Enigma」，呢一部機每24小時就會改變加密的方式，換句話說，佢地得24個鐘去破解，零時零分後，就要從頭來過，呢種挫敗感，真係唔多好受，Alan Turing同時研發一部機器，可以破解每天的加密，但係，對於Alan Turing黎講，最難既事唔係破解工作，而係點同其他人合作去解決目前的困難，一個人的能力係有限既，正所謂人多好辦事，以Alan Turing呢種天才的性格，真係好難同人相處，所以中間發生左小插曲，耽誤左破解進程，後來，Alan Turing搵左一大批人去做test，希望係入面搵到d精英，Joan Clarke（由Keira Knightley 演）係其中一個被選中的人，同Alan Turing合作，

講到呢度，時間線跳到去Alan Turing少年果陣，佢系學校冇乜朋友，仲成日比人蝦，原因都係因為佢太叻，但係佢有一個知心朋友，危急關頭會伸出援手，都有一個共同興趣，無錯，就係計數，可能受朋友影響Alan Turing先會熱衷於數學，做就佢今日既成就，Alan Turing對佢有傾慕之情，一心想向他表白，但係天意弄人 ...（唔想劇透太多）

又跳返黎依家，之後Alan Turing跟佢d同伴關係轉好，係大家合作下，「Enigma」已經被破解，但係一波未平一波又起 ...（真係唔講太多啦）

總括而言，係一部幾好睇既傳記片，故事引人入勝，同埋男神Benedict Cumberbatch演技精湛，絕對建議入場觀看，

shing-2009

曬下張票尾先 ...

alleelarry

shing-2009 發表於 2015-1-27 23:39
曬下張票尾先 ...

好奇一問，STUDENT-75的話，就是75元！？

alleelarry

看完電影有感覺的話，不管先前有沒有版友分享過，也請和大家分享一下吧！

jayjay

Good job, Shing

shing-2009

alleelarry 發表於 2015-1-28 09:03
好奇一問，STUDENT-75的話，就是75元！？

系啊，港島區睇戲特別貴，仲有ifc palace真心唔好，每行之間高度唔夠，會比人遮到

alleelarry

shing-2009 發表於 2015-1-28 11:39
系啊，港島區睇戲特別貴，仲有ifc palace真心唔好，每行之間高度唔夠，會比人遮到 ...

昨天係METROPLEX睇，無人爭，星期二優惠價，兩個人都係一百，仲有四個鐘免費泊車！

kl122002

shing-2009 發表於 2015-1-27 23:39
曬下張票尾先 ...

學生票...我真是很久沒買過了.

真的圖靈比起位演員baby face好多.
無奈真圖靈被迫打女性荷爾蒙後自殺, 今日的世界因為當年的同性戀而少了一個好人, 真是可惜.  

mike384

去睇左了, 都OK, 但覺得要攞獎就未得.
圖靈可以話係電腦界的開山鼻祖, 做呢行的人, 唔多唔少都會係接觸電腦史的時候, 睇到佢的事跡, 佢的理論亦影響了當代的電腦的發展, 尤其佢對[思考]一字的理解, 遠勝於好多人.
就係咁, 早在入行前已經知佢的事, 故仔上畀唔到我乜野驚喜了, 其實有多少期待過, 套戲係會如何處理佢的死亡, 結果有多少失望了.

jayjay

呢套口碑唔錯