映画《暗殺教室》

vinsckan

《暗殺教室》角色通通識小班教學lesson 3

介紹咗兩位男神之後，當然要介紹下女神嚟照顧下各位巴打啦～

因為3年E班一班同學仔刺殺殺老師未能成功，於是嚟咗個轉校生。雖然叫做轉校生，但其實係一部識得自行進化嘅人工智能箱型攻擊機械人，叫做自律思考固定砲台，但呢個所謂砲台，其實係女性嚟嘅，仲要係由熱爆亞洲、被譽為「千年難得一見的偶像」嘅Rev. from DVL成員橋本環奈飾演！雖然長期困喺砲台入面，但橋本都會出現多個造型現身，巴打們粉絲們都要密切留意～

vinsckan

《暗殺教室》角色通通識小班教學lesson 4

殺老師點解叫殺老師，都多得呢位女神級嘅同學仔茅野楓去幫呢位非常班主任命名，佢亦係班裡面最識搞氣氛嗰位，同山田涼介飾演嘅潮田渚係好朋友。

至於飾演茅野楓嘅，就係現年只有17歲嘅山本舞香。佢係喺免費報紙嘅《鳥取美少女圖鑑》登場之後被邀約入行，呢幾年拍過幾個廣告仔，但較為人熟悉嘅，係為三井不動產擔任代言人，成為第14代Rehouse Girl，其實遠至宮澤理惠、一色紗英（呢啲你唔係70後你唔會識㗎喇！），近至蒼井優、夏帆都拍過呢個系列嘅廣告㗎！所以呢，山本舞香，係不容忽視嘅上位女優啊！

day2013

https://www.facebook.com/neofilm ... ?type=1&theater

朗

day2013

《暗殺教室》角色通通識小班教學lesson 5

其實喺《暗殺教室》裡面嘅老師，個個都係為咗要訓練班學生刺殺殺老師而入咗去椚丘中學，其中一位就係烏間惟臣老師，佢其實隸屬防衛省，係戰術專家，同殺老師一齊到E班成為副班主任，而成套戲入面，佢主力教學生暗殺技巧。

而扮演烏間惟臣老師嘅，就係60後椎名桔平。一路都係做配角角色嘅佢，大家應該對佢熟口熟面，梗係啦！《Code Blue》、《推理要在晚餐後》、《極惡頑暴》等都見到佢踪影，佢應該搵得多過啲一線星。

vinsckan

《暗殺教室》角色通通識小班教學lesson 6

如果學校有個咁sexy嘅Miss，各位巴打會唔會留心咗聽書，還是更加心散？

椚丘中學嚟咗個專業殺手，佢叫伊莉娜•耶拉芘琪，佢本來係專業殺手，喺暗殺行動中曾多次向殺老師發動激烈槍戰，但結果都失敗告終。之後唔知點解，佢竟然變咗外語老師，更被通稱為比琪（Bitch）老師…呢個我知點解喎！因為佢真身其實就係韓國女子組合Kara嘅前成員知英嘛！佢英文好不嬲係人都知，要佢扮外語老師，當然零難度啦！

day2013

《暗殺教室》角色通通識小班教學lesson 7

喺《暗殺教室》入面，仲有一個唔可以唔識嘅角色，就係鷹岡明老師，佢其實出身於防衛省空軍部，以教官身份取得功績，嚟椚丘中學係負責教體育課。本來佢以家人方式同學生溝通，但真正的性情卻令大家⋯⋯想知？入場睇咪知囉！

不過而家可以話你知，扮演鷹岡明老師嘅，其實係高嶋政伸。做開甘草嘅佢，喺好多作品見過佢，好似《DOCTORS~最強之名醫～》系列、《20世紀少年最終章》、《柴犬奇蹟物語》等等，你應該唔會對佢感到陌生啦！

day2013

朗