《魔法黑森林》 誓要去, 入刀山....sorry 係入森林 (含內容)

ryan2012

家傳互曉的幾個童話故事串燒大雜燴, 灰姑娘 / 小紅帽 / 傑克與豌豆 / 長髮公主 + 一貫童話經常出現的巫婆

老實說, 海報(地鐵巴士果d)一早已講明係一套歌劇式電影, 叫有少少心理準備, 否則都幾悶下......

近年荷里活好鍾意將一d已拍電影 / 古舊童話一次又一次惡搞, 王子原來唔係真愛, 姊妹的愛才可以解咒, 黑魔后(or女巫)原來係慈悲為懷的, 更對付人類惡行
今次就一次過將4個故事翻炒再翻炒咁炒埋一碟, 再加d配料成為一個 "新" 故事

童話故事劇情牽強就梗的, 唔好太深究佢d bugs, 所以點解巫婆 (梅莉·史翠普) 個媽媽要佢向下咒? 點解小紅帽咁鬼勁, 可以知道住係森林深處的祖母病重, 同埋帶d麵包俾佢食點解可以醫到佢的病? 係咪帶個醫生去會更好呢?

其實真係無乜所謂, 又唔係史記, 又唔係經典文學, 又唔係教科書, 童話黎姐...............我一直都叫自己咁諗......

所以入得場都係想聽一眾演員表演歌喉, 最重要係難得梅姨繼 <Mamma Mia!> 後再展歌喉 (希望無記錯 )


本來...................唉................

本來我係抱住睇童話故事的心態去睇呢套歌劇, 點知最尾黎個突擊, 將成個故事由小朋友欣賞變得大人的反思
願望人人都有, 但有誰想過實現到願望卻可能要負上沉重代價

傑克得到金錢&朋友(竟然係隻牛)!! 但失去母親 (雖然對佢幾惡).....
小紅帽以為脫離狼的肚皮後可以快快樂樂生活? 結果全家 (應該係) 死剩佢一個.....
麵包師傅終於得到個仔了!! 恭喜哂呀~~~但你老婆死左, 仲要由旁人把口話你知, 屍都無影.......
麵包師傅個老婆終於得到個仔了! 王子又好似對你一吻難忘呀~! 係咪開心到飛起呢~~係呀 仲直飛落崖添........
灰姑娘終於做到人妻了!!!嫁到夢寐以求的王子了!! 但呢個王子未免太花心同智障了.........好彩你走左咋!
長髮公主同王子...................................sorry 結局無你地份囉

究竟呢套戲攪乜的!!!!!!!

我想開開心心睇套童話故事歌劇姐..............
洗唔洗咁多人生大道理呀..........................................



最後想講, 長髮公主同王子辛苦了, 可以去後面拎個茄哩啡的飯盒了
同埋想請教一下長髮公主係用邊隻洗頭水的? 可以洗到d頭髮咁堅韌


p.s. d歌無 <Mamma Mia!> <孤星淚>咁好聽囉........

alleelarry

見習版主本來去了看早場的，只是近來較忙就打消了念頭！

ryan2012

alleelarry 發表於 2015-1-19 08:14
見習版主本來去了看早場的，只是近來較忙就打消了念頭！

攝時間的話呢套都OK的

alleelarry

ryan2012 發表於 2015-1-20 02:38
攝時間的話呢套都OK的

本來就是抱住呢個動機入場，但要早起就算了！

AST(Gym)

成套戲都係唱呢味野已經唔係人人都可以接受到    童話故事講到個王子咁花心更加唔應該   唔係接受唔到歌劇電影,貝隆夫人嗰D,我OK  不過呢套真係.........

lamwaikit007

又一套要放棄看的電影，唔該樓主。

ryan2012

AST(Gym) 發表於 2015-1-28 20:32
成套戲都係唱呢味野已經唔係人人都可以接受到    童話故事講到個王子咁花心更加唔應該   唔係接受唔到歌劇 ...

所以近年呢d童話故事改編的都係適合大人睇多d

而王子花心呢d我又唔覺得有問題, 王子花心大有人在, 英國威爾斯親王查爾斯咪又係咁
王子係正義, 後母係邪惡呢d觀念未必絕對正確

又例如之前果套黑魔后我覺得改得幾好

jayjay

近年唯一令我有好感嘅歌劇電影都只係得Hugh Jackman嗰套《孤星淚》(Les Miserables)

AST(Gym)

ryan2012 發表於 2015-1-29 01:21
所以近年呢d童話故事改編的都係適合大人睇多d

而王子花心呢d我又唔覺得有問題, 王子花心大有人在, 英國 ...

                                                                                                                                                                         黑魔后係改編得幾好,都好好睇     另外再前d有套白雪公主與獵人我都覺改編得幾好    不過依套黑森林......好老實講.......  我真係睇到爆晒粗