《哈比人：五軍之戰》結局, 代表一個系列的完結

gashapon

記得好多年前睇第一集Lord of the Rings (LOTR), 到現在的哈比人, 不知不覺已經十幾年了. 今集的完結, 正好代表另一個"3部曲"的完結.

哈比人故事是LOTR的前傳, 講主角比爾博·巴金斯(Bilbo)一段歷險故事. 第一集佢同一班矮人, 加上當時仲未升呢, 只係"灰袍" 的甘道夫一齊出發去矮人故鄉, 取回城堡和寶藏的故事. 第一集比爾博無意之中得到了魔介, 種下了LOTR的故事的因~

第2集尾講到一班矮人和主角終於入到了城堡內, 可惜在搵佢地家傳之寶"Arkenstone"時不幸叫醒了隻龍. 最後隻龍更飛了出城堡, 向附近的Laketown (sorry, 太多人名地方名, 已經唔記得佢中文係咩 >.<) 而第3集一開始就緊接落去, 講條龍點破壞條村. 最後由血魔降生的德古拉....呀, 應該係阿Bard (認錯有咩出奇喎~ 咁係同一個演員嘛~) 利用黑箭射死條龍. 龍死o左之後, Bilbo同一班矮人都順理成章入去城堡了.

基於城堡的戰略地理位置關係, 因此魔王的軍隊都對呢個地方虎視眈眈, 知道龍已經死了, 馬上出兵打算攻佔呢個地方, 而精靈(elf) 又對城堡內的其中一件寶藏(銀色的頸鍊)有興趣, 因此出現了幾方隨時開戰的情況! 不過睇戲的人其實都估到一定係大家合作一齊對抗魔獸兵啦~~

今集基本的情景只得幾個, 就係laketown, 矮人的城堡, 同佢對出的空地. 而戰爭場面都無LOTR咁勁, 反而有少少"無雙feel", 都係主角們(唔包括Bilbo) 幾個打幾百個咁. 另外由於是前傳的關係, 好多野其實都知道會點發生, 所以唔算有太多驚喜.

之前都有提及過, 好多時我去睇"3部曲"電影 (即係一開始已經講明會分3集拍的電影), 唔多唔少都會有一集甚至兩集會"講多過做" (我稱之為"過場"用), 但Peter Jackson比我的感覺係好懂得利用3部曲去講故事. 基本上由LOTR開始, 到Hobbit, 每一集都睇到好緊張, 好少可有悶場. (當然某d情景會比較悶), 每集內容分佈上都控制得好好, 感覺就似去食一個大餐, 大廚每一道菜都控制得好, 唔會令你等太耐, 又或是因為某一道菜吃得太多而吃不下另一道菜. 不過由於我無睇過小說, 加上唔算係LOTR Fans, 所以好多時佢地電影內講到的地方名, 勢力等, 都有d confuse, 有時都未必即時明白佢講咩. 另外一直唔太了解同"agent smith" 一齊果個金色頭髮果個精靈女王(?)係咩人? 佢好似好勁又有d神秘咁~ XD   

ykluk

我覺得今次第3集唔係太夠時間去講故事同打, 如果第2集條龍已經死咗, 咁第3集就唔使咁趕.....起碼最終都係靠啡道士班動物先打得嬴, 咁都交待到點解LOTR裡面甘道夫可以call到大鷹呢啲動物救兵(當然LOTR有啡道士會更好).

至於精靈女王(凱蘭崔爾Galadriel)係洛絲蘿林森林的精靈女首領, 同瑞文戴爾的精靈領主愛隆王Elrond, 仲有幽暗密林的精靈王瑟蘭督伊Thranduil(即係對lonely mountain既白金好有興趣嗰個), 3個持有精靈戒指. 喺原著小說裡面有一個版本講, 凱蘭崔爾其實係愛隆王既外母~~!!

喺LOTR同HOBBIT時代, 凱蘭崔爾係中土大陸上最強大既精靈, 而由索倫出現到魔戒完結, 凱蘭崔爾都係唯一一個長生不死又親歷所有事件既精靈. 同埋第3集都有提到係得變咗"龍婆"既凱蘭崔爾先可以擊退同將索倫封喺東邊~~!! {:9_423:}

gashapon

ykluk 發表於 2014-12-29 15:25
我覺得今次第3集唔係太夠時間去講故事同打, 如果第2集條龍已經死咗, 咁第3集就唔使咁趕.....起碼最終都係靠 ...

我覺得條龍有d"名大於實", 幾下就被KO了. 我聽有睇小說的朋友講其實hobbit故事好短, 如果分上下2集拍會好過分3集. 不過我又覺得OK, 反而覺得最尾d獸兵好屎, d村民都係拉離成軍, d elf又好似無利用佢地優勢搵d高點射箭而走去打"白兵戰", 感覺已經有d亂來但依然可以打敗敵人...

原來有咁多精靈~ 我以為來來去去得一個"家族"~~ 個個d名又難記一邊睇一邊攪清佢地關係都有d難~
另外女王佢一"變臉"就可以打走人, 咁又太"屈機"哈哈~

timeline上有d想了解多d. 如果elf國王叫Legolas去搵個游俠(我估即係aragorn?) 時間上有d唔match? 因為記得佢LOTR時講自己87歲, 但Bilbo 當時應該唔係好大(50歲左右) , 佢都係因為隻介子先至去到一百一十幾歲, 即係Hobbit完o左之後要再過多60年左右先到LOTR發生, 咁即係Aragorn 20零歲時已經好出名? (至少elf國王知道佢存在). 仲有Legolas又話自己唔可以返去, 但點解LOTR第一集又可以代表elf o既?

仲有點解班elf可以由得魔王佢係東邊"休養生息"咁多年都唔理佢o既~ 佢地又唔知隻魔介係邊, 萬一比佢執到咪大件事? XD

ykluk

gashapon 發表於 2014-12-29 16:20
我覺得條龍有d"名大於實", 幾下就被KO了. 我聽有睇小說的朋友講其實hobbit故事好短, 如果分上下2集拍會好 ...

喺故事裡面, 條龍最重要既唔係佢有幾好打, 而係佢引發起所有種族既貪念, 喺整體故事上既功用已到, 點樣KO就無乜所謂啦~~!! {:9_423:}

凱蘭崔爾屈機係應該, 我仲覺得佢已經唔算好勁, 因為基本上佢應該係成個故事裡面最強的人(精靈)....不過索倫擁有至尊魔戒所以可以號令咁多界別先大晒, 凱蘭崔爾係唯一一個可以擺明車馬暫時擊退索倫既人(精靈)喎.....埃西鐸只係"好彩"切咗索倫手指跌咗魔戒先叫做嬴咗一次咋.....{:9_428:}

計timeline, Aragorn喺hobbit時應該係廿歲咁上下, 不過佢係人王傳人, 班精靈唔使識佢都識佢老豆祖先等等(成套戲講名時都一定會講佢係邊Q個老豆既仔), 所以一定出名啦~~!! {:9_407:}

又唔怪得精靈由得索倫"休養生息"都唔得, 基本上都無人夠佢抽, 凱蘭崔爾變完龍婆之後都已經變成好弱(2 towers有提過), 咁無啦啦都無人搞索倫啦, 愛隆王由第1集LOTR都已經話要走佬咯.....

kongchai

多謝分享呀！又對魔戒和哈比人更加了解了
揾次要一次睇晒 d 碟先得呀！

jayjay