男人唔可以窮...J J 簡評 (含內容)

lkljason

又一套睇戲名卡士你係唔會入場睇既電影，我都係o係唔刻意既情況借左碟黎睇o下，o係無期望底下竟然又喜出望愛，呢套戲同紅Van一樣係由高登網絡小說改篇，原著只睇左初段，大致同電影版差唔多，我覺得趕客原因係Bosco主演關系，我個人唔太欣賞，好彩佢演得都算稱職，而言另一擔心就係又會唔會係因為Bosco，而變左一齣TBB膠劇呢？但睇完後發覺電影感仍存在，劇情亦尚算流暢，起碼有追看性，屎塔肥飾演薛可正女友，o係賣瓜子既初段以為佢係貪慕虛榮既港女，點知最後至知原來係一個默默忍受既女友，呢鋪男仕o係呢套戲完全輸晒，變成一個無自信、自以為事兼無責任感既男人 (睇落男主角好似好戲劇性，但我估計其實唔小男仕都有咁既性格)，相對女主角o係呢套戲值得人憐愛。

總結：一套比較地道既港產片，好感度同投人感比岩岩上畫既單春男女易黎得易入口，個人覺得值得支持睇o下。