師兄們遇過最賤格GE買家分享!!

Cheong448

阿定 發表於 2014-8-5 12:42
出到來先壓價，通常我會即覆，咁由佢啦，然後袋番埋，試過有收機佬，直情追番住我要部機！
(Post76 Android ...

同黨

gigi1lover

我試過好耐之前放DC, 有條粉人約我去298間茶記交收, 佢同fd好大爺咁坐係度要求我俾機佢check仲要好老馮態度又差……
佢坐係度好粗暴咁試我部保養得好新淨嘅DC, 仲離譜到隊我支鏡去佢個好污糟嘅背囊度話要試b/w 平衡, 跟住仲厭3厭4想壓價……

我跟住話拎番黎唔Q賣俾佢!

佢差d唔想俾番我,捉到好實, 我忍唔住問候咗佢令壽堂安好拎番部機。

而家諗起仲好慶!
(Post76 Android 手機版送出)

gigi1lover

另一次, 有條粉人話要我兩盒模型仲俾佢講價兩合平d, 特登要就佢去中環交收,去到無出現,打去問佢話中午係福記面書見到我個兩盒人地福記仲平,仲大條道理話買野係咁,俾著我買都會明白佢,夾硬要人諒解佢無誠信唔要又唔一早講……

除咗問候佢媽咪仲咩唔生舊差燒都唔知仲可以點……正pk!
(Post76 Android 手機版送出)

gigi1lover

不過我想重申一點,佢地係第d網嘅,好彩係76未遇過d咁嘅粉人
(Post76 Android 手機版送出)

阿定

Cheong448 發表於 2014-8-5 12:49
同黨

唔係，係每次一日壓價，我就收野掉頭走，其中一次賣AVAMP，係職業收機佬來的，講到明無盒，來到又話無盒減500，部機本身先賣2千尾，其實就算賣兩萬要我減五百我都會掉頭走，何況賣得果少少，我即時話咁由佢啦，我賣比另一個，掉頭就走，佢即該追番話好啦，見你部機咁靚仔，又呢樣果樣，照要啦！講到呢度，唔駛講都知我呢單交易係知名數字台的交收吧，呵呵！

阿定

gigi1lover 發表於 2014-8-5 12:59
我試過好耐之前放DC, 有條粉人約我去298間茶記交收, 佢同fd好大爺咁坐係度要求我俾機佢check仲要好老馮態度 ...

通常要驗屍的，我會先收錢，後驗貨，由其有機會驗屍期間整花或要開封的交易，我個人唔介意驗屍，但一定唔可以太耐，除非之前講明，而且價錢要有番咁上下，有驗屍的價值，細細個賣電話比開機佬就學識呢樣野，因為一開封，就點壓你價都要賣，否則開過封，你找第二家，更大條道理壓你價

gigi1lover

阿定 發表於 2014-8-5 14:48
通常要驗屍的，我會先收錢，後驗貨，由其有機會驗屍期間整花或要開封的交易，我個人唔介意驗屍，但一定唔 ...

問題係你估可以好似係鋪頭買超合金咁先俾錢以示誠意後check貨……
我係數字網買人地放嘅CD,問清楚無花至叫人出黎,出到黎明明有花d數字友居然話:
咁唔算花
少少啫
碟花咗都聽到
好細條啫,邊算花呀

我如果先俾錢人地仲唔財到騙徒手……
所以公平d加上做唔出人地咁pk,我會俾人check咗先俾錢,人地賣野俾我都係咁做

利申:我賣cd,toys,book俾人會係post清楚講明有花,少花,大花,封套有無破損,何必呃人出黎見到問題至唔要浪費大家時間?

……但問題係確實好多人網上出讓想心存蒙混態……有種行騙feel…再加上大家講嘅買家覇王……總之大家買賣都係小心d

……
(Post76 Android 手機版送出)

阿定

gigi1lover 發表於 2014-8-5 15:24
問題係你估可以好似係鋪頭買超合金咁先俾錢以示誠意後check貨……
我係數字網買人地放嘅CD,問清楚無花至 ...

花碟呢個問題都好複雜，由其我交收Game碟為主，有無花係咪真係咁緊要，真係好難講，不過呢類交收我又唔會要求先錢後貨！

我話要先錢後Check果d，唔係指一般交收，係例如交收Figure，寫明全新未開封，老實講，開左除非好大問題，例如缺件或爛晒，否則有無花，跟本唔係我可以控制到的，所以一定要先小人，講明未開封，就一定係未開封狀態交收，之後即場開封有問題，就睇下有幾嚴重再決定應唔應該退貨退錢，其實同交收CD一樣，如果完封的，我無理由比你拆開之後，再決定唔交易，交收時即開即驗，發覺無碟係入面，又話隻碟裂開的，退錢退貨都叫有得商糧，但如果入面隻碟有花，老實講，我唔可能退錢退貨，因為呢個問題大家都估唔到，而且出廠已經花，係咪真係賣家責任，好難講，除非事前講明，否則我立場都係唔會退錢退貨！

我之前都交收過電子產品，對方都有派朋友幫手左check右check，好彩未去到比人粗暴咁check，但我一般都會提對方，check 唔緊要，check緊期間有咩意外整花左或者點，照價交易，而且你宜家驗屍咁驗，返到去有咩問題，就唔再關我事，所以最好check左表面傷痕有無問題，無問題先開始驗有無內傷同功能是否正常，而且只驗好壞，功能是否你想要的野，應該約之前就要了解，唔係出到來當我百老匯咁試完唔係自己想要的野就掉頭走！

father11hk

gigi1lover 發表於 2014-8-5 12:59
我試過好耐之前放DC, 有條粉人約我去298間茶記交收, 佢同fd好大爺咁坐係度要求我俾機佢check仲要好老馮態度 ...

呢D咁GE人我一定唔交收.........
我買賣M8/M9都唔使咁樣check 啦
white balance會壞嫁咩..........最多咪check下cmos有無死點/花
吹脹

good88690

其實, 調轉諗, 又真係唔可以排除, 有d不良賣家, 將部 "壞壞地" 既電子產品放出去, 如果買家唔check清楚, 返去真係冇仇報.
相信, 如果買方有禮貌地慢慢試, 應該問題不大.

但如果遇到d買家, 夾硬搵個問題出黎壓價, 一定即走~


反而我最怕係, 遇到d超忙既人, 佢地分分鐘每秒幾千個上落, 約交收約成世, 講好後, 又轉時間, 又轉地方, 又要就佢交收完唔阻佢同d朋友飯局............ 彷彿佢一星期只能隨機free 10分鐘出來..................... 其實如果忙成咁, 就唔好上網買/賣野, 盞大家不快收場