小試毒蛇~~~

jasone_ti

感謝Labkable 借出兩條升級線作測試, 分別係中階既 blue horizon同旗艦級既TAKUMI ！！ 其實小弟本身對iem既升級線認識唔多，因為小弟使用既iem唔可以換線既比較多，今次一黎就有labkable既旗艦試,真係幸福～

今次用黎測試既器材係近期hit爆既新機：ak120ii/ak100ii/calyx m, 耳機方面係 nuforce primo 同 fostex 既te05. 首先換上blue horizon先。一開聲個感覺係高頻開揚變得明亮了。難得加左高頻又唔會令高頻變得太尖同太衝，第一印象非常不錯。然後，我想介紹一下nuforce既 primo，依對iem相信未必太多人聽過。基本上她是非常難搞的，普遍組合下會給人清晰度不夠的印象。但換上blue horizon（和takumi）後會令primo變得泛用，不再像以前一樣挑source。另外因為高音的關係，令人感到音場亦闊了。

至於皇者takumi，厲害。換左takumi之後成件事唔同哂。 立體，我會咁形容。takumi的立體並非只是音場闊了深了那麼簡單。而是整個空間中的每一樣樂器也立體了，我認為這是歸功於線條感的加強，立即令音樂變得活靈活現。 而且takumi的音場亦有自己的一套。有一種俯視整個空間的感覺，很有趣。另外takumi也解放了primo的訊息量


兩條線其實都算有一定程度既相似，就係低頻量收左少少，如果係對量感要求多一點的用家可能會感到不足，不過對我黎講就無問題。最後要讚一下，兩條線都好軟，比起我用過既升級線方便～要我出街用絕對冇問題呀～～

WE300B

太正了，其實我都想上去試好耐，但冇錢同時間，希望快Ｄ可以體驗下丫
(Post76 Android 手機版送出)

粗人敵卡

off topic

Primo分析力夠唔夠Westone 4咁好

goodabc2010

TAKUMI好似唔錯咁

charky17

自己用緊TAKUMI,無試過樓主另一條blue horizon,不過試過用TAKUMI 同 V3仲有HYBIRD 比較, 個人覺得V3好清爽低頻夠彈,HYBIRD同TAKUMI我覺得都唔錯,如果自己鍾意平衡少少既,TAKUMI係好選擇,佢除左低音唔夠之後,空間感同高中音真係一流!!而HYBIRD都係好野黎只係我覺得佢空間感同平衡唔夠TAKUMI好,但係低音絕對KO TAKUMI~